بریار بوو ئه‌مرۆ سێشه‌ممه 8 ى 1 ى 2019 ، كۆبوونه‌وه‌ى ئه‌نجومه‌نى پارێزگای كه‌ركوك بۆ وه‌رگرتنه‌وه‌ی متمانه لە سەرۆكی ئەنجوومەن به‌رێوه‌بچێت
كۆبوونه‌وه‌كه‌ى ئه‌مرۆی ئه‌نجومه‌نى پارێزگای كه‌ركوك به‌هۆی ته‌واو نه‌بوونى رێژه‌ى یاسایی له‌ئه‌ندامان نه‌توانرا به‌ڕێوه‌بچێت
به‌شێك له‌لیست و لایه‌نه‌كان بریاریان دابوو ئه‌مرۆ كۆبوونه‌وه‌ى ئه‌نجومه‌ن به‌ڕێوه‌بچێت دەنگ لەسەر ئەندامێكی ئەنجوومەن بدرێت بۆ ئەوەی لە شوێنی سەرۆكی ئێستای ئەنجوومەن رێبوار تاڵه‌بانى دەستبەكار بێت
د.محه‌مه‌د خورشید به‌رپرسی لقی 3 ى پارتى دیموكراتى كوردستان به‌مالپه‌ری كوردستان تیڤى راگه‌یاند ، هه‌وڵه‌كانى یه‌كێتى نیشتیمانى كوردستان بۆ به‌ڕێوه‌چوونى كۆبوونه‌وه‌ی ئه‌مرۆی ئه‌نجومه‌نى پارێزگای كه‌ركوك بۆ ده‌ست نیشانكردنى سه‌رۆكێكی نوێ شكستى هێنا
راشیگه‌یاند ، یه‌كێتى ئه‌ندامه‌كانى خۆشى به‌ته‌واو پێ كۆنه‌كرایه‌وه ، محه‌مه‌د خورشید راشیگه‌یاند ، سوپاسى هه‌ڵوێستى لایه‌نى عه‌ره‌بی و توركمانى و كریستیان و یه‌كگرتوو و به‌شێك له‌لایه‌نه‌كانی دی ده‌كه‌ین كه‌به‌ده‌م بانگه‌وازی پارتی دیموكراتى كوردستان هاتن به‌شداری كۆبوونه‌وه‌ى ئه‌مرۆ نه‌كه‌ن بۆ ده‌ستنیشانكردنى سه‌رۆكی نوێ
به‌رپرسى لقى 3 ى پارتی راشیگه‌یاند ، هیوادارین یه‌كێتى له‌چوار چێوه‌ی كاری نیشتیمانى و پێكه‌وه بوون ده‌رنه‌چێت ، كاركردنمان به‌هه‌موولایه‌ك پێكه‌وه بوون بێت له‌پێناو كه‌ركوك و كوردستان بێت نه‌ك بڕیاری گۆڕینى رێبوار تاڵه‌بانى بدرێت كه‌سه‌رۆكى شه‌رعی ئه‌نجومه‌نه‌كه‌یه
د. محه‌مه‌د خورشید رایگه‌یاند ، گۆڕینى رێبوار تاڵه‌بانى نایاساییه و یه‌كێتى نیشتیمانى كوردستان شكستى هێنا له‌كۆبوونه‌وه‌ى ئه‌مرۆیدا كه‌بتوانێ رێژه‌ى یاسایی ئه‌ندامان كۆبكاته‌وه بۆ ئه‌وه‌ى سه‌رۆكێك هه‌ڵبژێرن
به‌رپرسى لقى 3 ى پارتى دیموكراتى كوردستان راشیگه‌یاند ، له‌كۆبوونه‌وه‌ى ئه‌مرۆی ئه‌نجومه‌ندا له‌كۆی 40 ئه‌ندام ته‌نیا 10 ئه‌ندام كۆبوونه‌ته‌وه ئه‌مه‌ش شكستێكی ئه‌نجومه‌نه كه‌ئه‌مرۆ بیندرا
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.