وەزارەتى گواستنەوە و گەیاندنی حکومەتی هەرێم رایگەیاند لە ساڵى ڕابردوودا زیاتر لە 800 هەزار گەشتیار لەڕێگەى فڕۆکەخانەکانى هەولێر و سلێمانییەوە هاتوونەتە هەرێمى کوردستان.
بەپێی ئامارێکی وەزارەتى گواستنەوە و گەیاندنى حکومەتى هەرێمی كوردستان کە وێنەیەکی دەست ماڵپه‌ری كوردستان تیڤی کەوتووە تیایدا ئاماژەی بەوە کردوە، لە ساڵی 2018 دا ژمارەی ئەو گەشتیارانەی، کە لە ڕێگەى فڕۆکەخانەى هەولێر و سلێمانییەوە هاتوچۆیان کردووە بریتیبوون لە یەک ملیۆن و 674 هەزار و 585 گەشتیار.
ئەوەش هاتووە، هەر لە ساڵى 2018دا ژمارەى ئەو گەشتیارانەى لە ڕێگەى ئەو دوو فڕۆکەخانەیەوە هاتوونەتە هەرێمى کوردستان 812 هەزار و 786 کەس بوون، ئەو گەشتیارانەشى لە هەرێمى کوردستانەوە گوازراونەتەوە 861 هەزار و 799 کەس بوون.
بەپێی ئامارەکەی وەزارەتى گواستنەوە و گەیاندن، هاوکات 18 هەزار و 872 گەشتى ئاسمانىش لە فڕۆکەخانەى هەولێر و سلێمانى ئەنجامدراون.
کۆمێنت (0)
تا ئێستا هیچ کۆمێنتێک نەکراوە.