لە زیادکردنێکی ئەلیکترۆنیدا که‌له‌په‌له‌کانی " ستیڤن هۆکینگ " ده‌فرۆشرێت

لەمەزادێكی ئەلكترۆنی ئاشكرادا كۆمەڵێك لەكەلوپەل و دەستنووسەكانی زانای بەناوبانگی فیزیایی بەریتانی (ستیڤن هۆكینگ) فرۆشران .

 چه‌ن رۆژێك به‌ر له‌ ئێستا له‌ ژێر ناوی " لەسەر شانی مەزنەكان " پرۆسه‌ی فرۆشتنی كۆمه‌لێك له‌ كه‌لوپه‌له‌كانی ئه‌م زانایه‌ به‌رێوه‌چووكه‌ ماوه‌ی 9 رۆژی خایاند ، قازانجی ئەو فرۆشتنەش تەرخانكرا بۆ دامەزراوەی خێرخوازیی هۆكینگ و كۆمكاری نەخۆشانی (ئەی ئێڵ ئێس) كە ئەو كەسانە دەگرێتەوە كە هەمان ئەو نەخۆشییەی هۆكینگیان هەیە.

له‌م زیادكردنه‌دا كورسییە بزۆزەكەی (ستیڤن هۆكینگ) بە نزیكەی (300) هەزار جونەیهی ئیستەرلینی فرۆشرا كە دەكاتە نزیكەی (391749) دۆلاری ئەمریكی، هەروەها تێزی دكتۆراكەی كە بە ناونیشانی (تایبەتمەندی گەردوونە فراوانەكان) ەو پێكهاتووە لە (117) لاپەڕە بە (584750) جونەیهی ئیستەرلینی فرۆشرا كە بەر لە زیادكردنەكە پێشبینی دەكرا بە (150) هەزار جونەیهی ئیستەرلینی بفرۆشرێت .

هەریەك لە خەڵاتەكانی بە (296750) جونەیهی ئیستەرلینی فرۆشران و كورسییە بزۆزە سوورەكەشی بە (296750) جونەیهی ئیستەرلینی فرۆشران كە مەزەندە دەكرا تەنها بە (15) هەزار جونەیه بفرۆشرێت.

جگە لەوانەش هەندێكی تر لە كەلوپەلەكانی لەو زیادكردنەدا فرۆشران لەوانەش چەندین وتارو مەدالیاو دانەیەك لە كتێبەكەی بە ناوی (كورتەیەك لە مێژووی كات) بوو كە پەنجەمۆری خۆی پێوەیەو هەندێك لە نامەو دەستنووسەكانی زانایانی بەناوبانگی جیهان وەك (ئیسحاق نیوتن و ئەلبێرت ئەنیشتاین و چارلز داروین) یش كە پێشتر بەشێك بوون لە شتە تایبەت و دەگمەنەكانی هۆكینگ لەو پرۆسەیەدا فرۆشران.

(ستیڤن هۆكینگ) زانای فیزیایی بەریتانی كە بە توێژینەوەكانی دەربارەی دروستبوونی گەردون بەناوبانگ بوو، لە تەمەنی (21) ساڵییەوە تووشی نەخۆشییەكی دەگمەنی دەماری بوو، ە ماوەی ژیانیشیدا چەندین وتارو كتێبی لەسەر گەردوون نوسیوەو بڵاویكردۆتەوە، ئەو زانا بەناوبانگەی فیزیا لە مانگی مارتی (2018) دا لە تەمەنی (76) ساڵیدا كۆچی دوایی كرد .