له كۆنیای وڵاتی توركیا له ئه‌نجامی پێكداكێشانی دوو ئۆتۆمبێل، پۆلیسێك گیانی له‌ده‌ستدا و چوار كه‌سی دیكه برینداربوون كه دووانیان پۆلیسن.
به‌پێی ئه‌و زانیارییانه‌ی ده‌ستكه‌وتوون، له ناوه‌ندی شارۆچكه‌ی كاراتای، ئۆتۆمبێلێكی سڤیل خۆی به ئۆتۆمبێلێكی پۆلیسدا كێشاوه و به‌هۆیه‌وه ئۆتۆمبێله‌كه‌ی پۆلیس وه‌رگه‌ڕاوه.
له ئه‌نجامی رووداوه‌كه‌شدا پۆلیسێك گیانی له‌ده‌ستداوه، دوو پۆلیسی دیكه و دوو سه‌رنشینی ئۆتۆمبێله سڤیله‌كه، برینداربوون. برینداره‌كان بۆ نه‌خۆشخانه گوازراونه‌ته‌وه و دۆخی ته‌ندروستییان باشه.
کۆمێنت (0)
تا ئێستا هیچ کۆمێنتێک نەکراوە.