نیار وایه سێیه‌مین خولی فێستیڤاڵی نێوده‌وڵه‌تی فیلمی سلێمانی له رۆژانی 10 تا 16ی ئۆكتۆبه‌ری 2018 له 5 هۆڵی سیتی سینه‌ما له شاری سلێمانی له هه‌رێمی كوردستان به‌ڕێوه‌ده‌چێت.
مه‌لا به‌ختیار سه‌رۆكی فێستیڤاڵی نێوده‌وڵه‌تی فیلمی سلێمانی رایاگه‌یاند: بۆ سێیه‌مین خولی فێستیڤاڵ سوپاسی بێ پایانی شه‌خسی خۆم ئاراسته‌ی برای به‌ڕێز كاك نێچیرڤان بارزانی بكه‌م كه خۆم ته‌كلیفم لێكرد پێویسیتییه‌كانی سێیه‌مین فێیستیڤاڵ دابین بكات، هیمه‌تی كرد و له ڕووی مادییه‌وه ته‌واوی پێویسیتییه‌كانی دابینكرد كه بره‌كه‌ی (432) چوارسه‌د و سی و دوو ملێون دیناره.
مه‌لا به‌ختیار راشیگه‌یاند: من سوپاسی كاكه فوئاد، كۆمپانیای مه‌ستی فیلم، كاكه دانه‌ر و لینا خان ده‌كه‌م و هه‌روه‌ها هه‌موو ئه‌و خوشك برا ئازیزه‌ی كه ده‌زانم سێ مانگه رۆژانه شه‌ونخوونی ده‌چێژن و هیلاك ده‌بن بۆ ئه‌وه‌ی سێیه‌مین خولی فێستیڤاڵ نێوده‌وڵه‌تی فیلمی سلێمانی شایسته‌ی شاری سلێمانی و شایسته‌ی كوردستان بێت.
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.