وه‌فیق سامه‌رائى كۆنه به‌عس و سه‌رۆكى هه‌واڵگرى سه‌رده‌مى سه‌دام و راوێژكارى پێشووى مام جه‌لال به الله اكبر پێشوازى له به‌رهه‌م ساڵح كرد و سوپاسى پاڵه‌وانه‌كانى 16ـی ئۆكتۆبه‌رى كرد.
وه‌فیق له لاپه‌ره‌ى خۆى له تۆڕى كۆمه‌ڵایه‌تى فه‌یسبووك له پۆسته‌كه‌یدا به "الله أكبر" ده‌ستیپێكردووه و نووسیویه‌تى " ألله أكبر، گه‌نجانى عێراقى مه‌زن، له هه‌لبژاردنى سه‌رۆكایه‌تى كۆمار پلانى ئه‌وانتان هه‌ڵوه‌شانده‌وه كه باسی سنوور پارێزیان به خوێنیان ده‌كرد و ده‌یانویست پاڵێوراوى خۆیان بسه‌پێنن، به‌ده‌نگى دیموكراتى خۆتان ئه‌و پلانه‌تان له‌ناو برد، سوپاس بۆ رۆلى مه‌زنتان و سوپاس بۆ پاڵه‌وانانى ئۆكتۆبه‌رى 2017 له گه‌نجانى یه‌كێتى نیشتیمانى كوردستان و پاڵه‌وانه‌كانى هێزه چه‌كداره‌كان و حه‌شدى شه‌عبى و پاڵه‌وانه‌كانى ئۆكتۆبه‌رى 2018 كه هه‌ڵویستان ده‌ربڕى و هاوسۆز بوون".
هاوكات حه‌نان فه‌تلاوى په‌رله‌مانتارى پێشووى عێراق و كه‌سایه‌تى شۆڤێنیستى عێراقى كه به دژایه‌تى كورد ناسراوه و وه‌ك یه‌كه‌م كه‌سایه‌تى له عێراق پیرۆزبایى خۆى ئاڕاسته‌ى به‌رهه‌م ساڵح كرد بۆ وه‌رگرتنى پۆستى سه‌رۆك كۆمار و پێى راگه‌یاندووه ئیتر ئه‌ركى تۆ پاراستنى یه‌كپارچه‌یى عێراقه.
فه‌تلاوى سه‌رۆكى بزوتنه‌وه‌ى ئیراده له هه‌ژمارى خۆى له تویته‌ر نووسیویتى: پیرۆزبایى له دكتور به‌رهه‌م ساڵح ده‌كه‌م بۆ بردنه‌وه‌ى پۆستى سه‌رۆك كۆمار هیواى سه‌ركه‌وتنى بۆ ده‌خوازین له ئه‌ركه گه‌وره‌كه‌ى كه پاراستنى یه‌كپارچه‌یى عێراقه و پابه‌ند بوون به ده‌ستوور.
ئاماده‌كردن و وه‌رگێران/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.