فه‌رمانگه‌ی ته‌ندروستی كه‌رخ له به‌غدا رایگه‌یاند: دوای ئه‌وه‌ی كچێكی ته‌مه‌ن 21 ساڵان مڵاكێكی ئاسنی چای قوتدا، له‌نه‌شته‌رگه‌رییه‌كدا توانرا مڵاكه‌كه له سكی كچه‌كه به‌سه‌ركه‌وتووی بهێنرێته ده‌ره‌وه.
فه‌رمانگه‌ی ته‌ندروستی كه‌رخ له راگه‌یه‌نراوێكیدا ده‌ڵێت: تیمێكی نه‌خۆشخانه‌ی یه‌رموك له به‌غدا به په‌له نه‌شته‌رگه‌رییه‌كیان بۆ كچێكی ته‌مه‌ن 21 ساڵان كرد كه نه‌خۆشی ده‌روونی هه‌یه و له كاتی چاخواردنه‌وه مڵاكێكی ئاسنی قوتدابوو.
له‌مباره‌یه‌وه سه‌رمه‌د عه‌بدولوه‌هاب پسپۆری نه‌شته‌رگه‌ری گووتی: مڵاكه ئاسنه‌كه له‌ده‌رچه‌ی گه‌ده‌ی كه‌سه‌كه بووه‌و توانراوه به‌سه‌ركه‌وتوویی له‌نه‌شته‌رگه‌رییه‌كدا بۆی ده‌ربهێنرێت و له ئێستاشدا كه‌سه‌كه باری ته‌ندروستی جێگیره.
ئاماده‌كردنی / رزگار
سه‌رچاوه /سۆمه‌رییه
کۆمێنت (0)
تا ئێستا هیچ کۆمێنتێک نەکراوە.