به‌ده‌یان هاووڵاتی شاری به‌سره له به‌رده‌م كێڵگه‌ی نه‌وتی قورنه گردبوونه‌وه‌و داوای هه‌لی كارو باشتركردنی دۆخی خزمه‌تگوزاری ناوچه‌كانیان ده‌كه‌ن.
ئه‌مڕۆ یه‌ك شه‌ممه به‌ده‌یان هاووڵاتی شاره‌دێی ئیمام سادق خۆپیشاندانێكیان رێكخست و چوونه به‌رده‌م كێڵگه‌ی نه‌وتی قورنه .
له خۆپیشاندانه‌كه‌دا هاووڵاتیان داوایان كرد هه‌لی كاریان له‌و كێڵگه‌یه بۆ بڕه‌خسێنرێت و هاوكات داوایان كردووه، كه خزمه‌تگوزاری زیاتر بۆ ناوچه‌كه‌یان دابین بكرێت.
له‌دوو مانگی رابردوو له پارێزگاكانی باشووری عێراق زنجیره‌یه‌ك خۆپیشاندان به تایبه‌تی له شاری به‌سره به‌رێوه‌چوو، له خۆپیشاندانه‌كاندا ژماره‌یه‌ك هاووڵاتی كوژران و ژماره‌یه‌كی دیكه‌ش بریندار بوون، ژماره‌یه‌كیش تا ئێستا له به‌ندیخانه‌كان ماونه‌ته‌وه.
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.