به پێی هه‌واڵێكی سكای نیوز كه له‌سه‌رچاوه پزیشكییه‌كانی عێراق گواستویه‌تییه‌وه یه‌كێك له خۆپیشانده‌ره‌كانی شاری به‌سره‌ی باشووری عێراق كه ته‌مه‌نی 30ساڵانه‌و ناوی یاسر مه‌كییه، كۆچی دوایی كردووه، دوای ئه‌وه‌ی له‌لایه‌ن هێزه ئه‌منییه‌كانه‌وه به كاره‌با لێی دراوه.
له خۆپیشاندانه‌كانی دوێنیی شاری به‌سره هێزه ئه‌منییه‌كانی عێراق بۆ بڵاوه پێكردنی خۆپیشانده‌ران چه‌ك و توندو تیژییان به‌كار هێنا.
پارێزگای به‌سره به‌ده‌ست نه‌بوونی ئاوی خواردنه‌وه‌و كۆمه‌ڵێك پڕۆژه‌ی خزمه‌تگوزاری ده‌ناڵێنێ، خۆپیشاندانه‌كانیش له كاتێكدایه كه هاووڵاتیان داوای باشتركردنی دۆخه‌كه ده‌كه‌ن، به‌ڵام له‌لایه‌ن حكومه‌تی عێراقه‌وه به به‌كارهێنانی چه‌ك وه‌ڵام ده‌درێنه‌وه.
ئاماده‌كردنی / رزگار
سه‌رچاوه / سكای نیوز
کۆمێنت (0)
تا ئێستا هیچ کۆمێنتێک نەکراوە.