دوای ته‌شه‌نه كردنی نائارامیی و ئاڵۆزییه‌كان له پارێزگای به‌سڕا و ته‌قه‌ی هێزه ئه‌منییه‌كانی عێڕاق له خۆپیشانده‌رانی ناڕازیی، هۆه‌زكانی نیشته‌جێی ئه‌م پارێزگایه ده‌ستیان دایه چه‌ك و به‌ره‌ڕووی هێزه ئه‌منییه‌كان بوونه‌وه.
سه‌رچاوه‌یه‌كی ئاگادار كه نه‌یویست ناوی ئاشكرا ببێت وتی: پیاو ماقوڵان و سه‌رۆك هۆزه‌كان نامه‌یه‌كیان ناردووه بۆ پارێزگاری به‌سڕا به‌و ناوه‌ڕه‌كه‌ی كه ئه‌گه‌ر هێزه ئه‌منییه‌كان بۆ بڵاوه‌پێكردنی خۆپیشانده‌ران ته‌قه‌یان لێبكه‌ن، هۆزه‌كانیش ده‌ست ده‌ده‌نه چه‌ك و به‌ره‌وڕووی ئه‌وان ده‌بنه‌وه.
له‌لایه‌كی دیكه‌وه سه‌رچاوه ناوچه‌ییه‌كانی پارێزگای به‌سڕا رایانگه‌یاندووه كه هێزه‌كانی سوپا و " سوات " له رێگه‌ی گازی فرمێسكڕێژ و ته‌قه كردن له خۆپیشانده‌ران هه‌وڵیانداوه بڵاوه‌یان پێبكه‌ن و له ناوچه‌كانی " كرمه علی " و " الحیانه " توندترین تێكهه‌ڵچوون له نێوان هێزه ئه‌منییه‌كان و خۆپیشانده‌ران روویداوه و به‌شێك له ئه‌ندامانی هۆزه‌كان چه‌كیان له به‌رامبه‌ر هێزه ئه‌منییه‌كان به‌كارهێناوه و دواتریش هێزه ئه‌منییه‌كانیان ناچار به جێهێشتنی ناچه‌كه‌یان كردووه.
به‌گوێره‌ی سه‌رچاوه‌كانی هه‌واڵ فه‌رمانده‌ی ئۆپه‌راسیۆنه‌كانی به‌سڕا وه‌ڵامی نه‌رێنیی داوه‌ته‌وه به هه‌موو داواكارییه‌كانی هۆزه‌كانی پارێزگاكه و به‌مجۆره پێشبینیی ده‌كرێت كه بارودۆخی پارێزگاكه له رۆژانی دواتردا ئاڵۆزتر ببێت.
سه‌رچاوه هه‌واڵییه‌كانی ناو خۆپیشانده‌رانیش ده‌ڵێن: فه‌رمانده‌ی ئۆپه‌راسیۆنه‌كانی پارێزگاكه بروسكه‌ی ناردووه بۆ به‌غدا و داوای هێزی زیاتری كردووه.
سه‌رچاوه / عه‌ره‌بییه
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.