دوێنى ئێواره سه‌رۆكى ڤه‌نزوێلا نیكۆلاس مادۆرۆ له كاتى ئه‌نجامدانى مه‌راسیمێكى سه‌ربازیدا له شارى كاراكاسى پایته‌ختى ڤه‌نزوێلا له رێگه‌ى بۆمب رێژكردنی فڕۆكه‌یه‌كى بێ فڕۆكه‌وانه‌وه به‌سترابوو و فڕۆكه‌كه له نزیكى مادۆرۆ ته‌قێندرایه‌وه و له هه‌وڵێكى كووشتنى سه‌رۆكى ڤه‌نزوێلا، به‌ڵام مادۆرۆ له هه‌وڵه‌كه ڕزگارى بووه.
خورخى رودیغیز وه‌زیرى ڕاگه‌یاندنى ڤه‌نزوێلا دواى راگه‌یاندنه‌كه له ته‌له‌فزیۆنى فه‌رمى وڵاته‌كه‌وه وتاره‌كه‌ى سه‌رۆكى گواسته‌وه و رایگه‌یاند: ئه‌و هێرشه‌ى دژى سه‌رۆك نیكۆلاس مادۆرۆ بووه و فرۆكه‌یه‌كی بۆمب رێژكراو له نزیك ئه‌و شوینه له كاتى قسه كردنیدا ته‌قێنراوه‌ته‌وه و چه‌ند بۆمبێكى دیكه‌ش له ده‌وروبه‌رى مه‌یدانى نمایشه سه‌ربازییه‌كه ته‌قیووه‌نه‌ته‌وه.
به پێى زانیارییه‌كانى ڕویته‌رز 7 سه‌ربازى پاسه‌وانانى ئاسایش به سووكى بریندار بوون ئێستا له نه‌خۆشخانه‌ن چاره‌سه‌ریان بو ده‌كرێت و نیكۆلاس مادۆرۆ سه‌رۆكى ڤه‌نزوێلا رزگارى بووه و هیچ زیانێكى پێنه‌گه‌یشتووه.
سه‌رۆكى ڤه‌نزوێلا ڕایگه‌یاند: هه‌موو ئه‌و پیلانه‌ى كه هه‌وڵێ كووشتنى منیاندابوو په‌یوه‌ندى به كوله‌مبیه‌و و ئه‌مریكایه كه له ویلایه‌تى فلۆریدا ئاواره‌ى ڤه‌نزوێلاى لێ ده‌ژین و له‌ئیستادا تاوانبارێكى زۆر دةستگیركراون .
جێى ئاماژه‌یه گرووپێكى بچووك به ناوى " بزووتنه‌وه‌ى سه‌ربازى " كه له‌سه‌ر تیشێرته‌كانیان نووسرابوو به‌رپرسیاریه‌تى خۆیان ده‌ربڕى بۆ هێرشه‌كه له زنجیره‌ییه‌كى په‌ستكردندا له تۆڕه كۆمه‌ڵایه‌تییه‌كان.
ئاماده‌كردن وه‌رگێڕانى/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.