گوته‌بێژی سه‌رۆكایه‌تی كۆماری توركیا پشووی جه‌ژنی قوربانی راگه‌یاند، كه بریتی ده‌بێت له 9 رۆژو رۆژی هه‌ینیش سه‌ركۆمار ئه‌ردۆغان پلانی جێبه‌جێكردنی ١٠٠ رۆژه بۆ هاووڵاتیان ده‌خاته روو.
ئیبراهیم كاڵن، گوته‌بێژی سه‌رۆكایه‌تی كۆماری توركیا له درێژه‌ی كۆبوونه‌وه‌كانی كابینه‌ی حكوومه‌ت بۆ راگه‌یاندكاران دوا و له‌باره‌ی رۆژه‌ڤی كۆبوونه‌وه‌كان رایگه‌یاند: رۆژی هه‌ینی سه‌ركۆمار ئه‌ردۆغان پلانی جێبه‌جێكردنی ١٠٠ رۆژه بۆ هاووڵاتیان ده‌خاته روو
له‌باره‌ی ئاسایشی وڵاته‌كه‌شی گوتی: دژی مه‌ترسییه‌كانی تیرۆر له خاكی سووریاوه، خه‌باتی كاریگه‌رمان به‌رده‌وام ده‌بێت. له‌م ماوه‌یه‌ی دوایی یه‌كه‌كانی ئاسایشمان سه‌ركه‌وتوو بوون له ئه‌ركه‌كانیاندا.
هه‌روه‌ها له‌باره‌ی هه‌ڕه‌شه‌كانی ئه‌مریكا بۆ سزادانی توركیا گوتی: چاوه‌ڕوانی ئێمه ئه‌وه‌بووه كه ئه‌م گرژییه كاریگه‌ری له پلانی منبج نه‌كات و هه‌نگاوه‌كمان به‌و ئاراسته‌یه نه‌بینیوه. پرۆژه یاسایی منبج وه‌ك خۆی جێبه‌جێ ده‌كرێت، ئه‌و پرۆژه كات و ئه‌ركه‌كانی دیاریكراوه، هه‌نگاو به هه‌نگاو وه‌ك خۆی جێبه‌جێ ده‌كرێت.
گوته‌بێژی سه‌رۆكایه‌تیی كۆماری توركیا گوتیشی: پشووی جه‌ژنی قوربان ٩ رۆژ ده‌بێت.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.