له رۆژی چواری مانگی داهاتوو كه هاوكاته له‌گه‌ل ساڵیادی مردنی شاعیری كورد " شێركۆ بێكه‌س " ، له لایه‌ن " كامه‌ران سه‌بحان " ه‌وه به‌شی دووه‌می نامه‌كانی ئه‌م شاعیره له دوو توێی كتێبێكدا كه له لایه‌ن ده‌زگای سه‌رده‌مه‌وه چاپكراوه بڵاوده‌كرێنه‌وه .
كامه‌ران سوبحانی نووسه‌ر به‌شی یه‌كه‌می نامه‌كانی ئه‌م شاعیره‌ی بڵاوكردووه‌ته‌وه و دووپاتی ده‌كاته‌وه كه ئه‌م كتێبه به‌رده‌وامی ده‌بێت و چه‌ند به‌شێكی دیكه‌شی به‌دواوه دێت ،چونكه ئه‌م شاعیره ژماره‌یه‌كی یه‌كجار زۆر نامه‌ی هه‌یه .
ده‌رباره‌ی ناوه‌رۆك و ماوه‌ی نووسینی نامه‌كان سوبحانی ئاشكرایده‌كات ، به‌هه‌موو قۆناغه‌كانى شاروشاخ و ئاواره‌ییشه‌وه له نێوان ساڵانی 1983 بۆ 2013 نامه‌كانی نووسێوه ، نامه‌كانیش كۆمه‌ڵایه‌تی ، ئه‌ده‌بی و سیاسین كه بۆ كۆمه‌لێك له نووسه‌ران و سه‌ركرده نوسراون .
کۆمێنت (0)
تا ئێستا هیچ کۆمێنتێک نەکراوە.