له مانگی ئۆكتۆبه‌ری داهاتوودا به هه‌ردوو زمانی پوتوگالی و ئیسپانی ، یاداشته‌كانی نووسه‌ری ناوداری پوتوگالی " خۆزیه ساراماگۆ " دوای هه‌شت ساڵ له كۆچی دواییدا بڵاوده‌كرێته‌وه .
هاوسه‌ری ئه‌م نووسه‌ره " بیلار دیل ریو " له رێگه‌ی قسه‌كردنی بۆ رۆژنامه‌ی " گاردیان" ی به‌ریتانی ئاشكرایده‌كات ، كه خۆزیه ساراماگۆ ی خاوه‌ن خه‌ڵاتی نۆبل ، دوایین بیست ساڵی ته‌مه‌نی له دوورگه‌ی " لانزاروتی " ئیسپانی به‌سه‌ر بردووه و زیاتر یاداشته‌كانی سه‌باره‌ت به‌م قۆناغه‌ی ژیانییه‌تی .
بیلار وتیشی ، خۆزیه ی هاوسه‌ری وه‌سیه‌تی كردووه كه خۆڵه‌مێشی جه‌سته‌ی به‌سه‌ر دوورگه‌ی لانزاروتی بڵاوبكرێته‌وه .
ئه‌م نوسه‌ره زیاتر به تێكه‌ڵكردنی فانتازیا و واقع له كاره‌كانیدا ده‌ناسرێت ، گرنگترین نوسینه‌كانی ساراماگۆ بریتیین له " خاكی گوناح ، كوێر ، ئینجیل به گێرانه‌وه‌ی مه‌سیح ، قابیل " .
کۆمێنت (0)
تا ئێستا هیچ کۆمێنتێک نەکراوە.