به‌پێى هه‌واڵێكى ئه‌ى بى سى نیوز دوێنى یه‌كشه‌ممه 8ى ته‌مموزى 2018، له كۆمه‌ڵگایه‌كى نیشته‌جی بوون شارى ویلیامزبۆرگ له ویلایه‌تى فرجینیا كۆپته‌رێك ده‌كه‌وێته ماڵێكه‌وه و فڕۆكه‌وانه‌كه‌ش بزره .
بنكه‌ى پۆلیسى ولایه‌تى فرجینیا له‌سه‌ر ڕووداوه‌كه ڕایگه‌یاند: كۆپته‌ره‌كه كه‌وتووه‌ته سه‌ر خانوویه‌ك له كۆمه‌ڵگایه‌كى نیشته‌جێبوون له بریستول كومنز .
رۆژى یه‌كشه‌ممه پێش كاتژمێر 5ى عه‌سر و به‌هۆى ڕووداوه‌كه خانووه‌كه سووتاوه، هه‌روه‌ها پۆلیسى بنكه‌كه تاكیدى كرده‌وه به‌هۆى ئه‌و ڕووداوه كه‌سێك مردووه.
به‌ڕێوه‌به‌رایه‌تى فڕینى فیدرالى له تویته‌ر ڕایگه‌یاندووه: هه‌لیكۆپته‌ره‌كه له جۆرى (ئار 44) بووه و به‌هۆى كه‌وتنى به‌سه‌ر خانوویه‌ك كه‌سێك كوژراوه و فڕۆكه‌وانه‌كه‌ش بزره و دیار نییه.
له ئێستادا پۆلیس به‌دواى فڕۆكه‌وانه‌كه ده‌گه‌ڕێت و لێكۆڵینه‌وه‌ى ئه‌نجام داوه له‌سه‌ر هۆكارى كه‌وتنه خواره‌وه‌ى هه‌لیكۆپته‌ره‌كه، هاوكات پۆلیس ده‌ستبه‌جێ هۆشدارى دابوو به خه‌ڵكى ناوچه‌كه دوور ببنه‌وه له شوێنى ڕووداوه‌كه.
جێى ئاماژه‌یه ویلیامزبۆرگ شوێنێكى گه‌شتیارى به‌ناوبانگه و شارۆچكه‌یه‌كى سه‌یرانگای مێژووییه و مێژووه‌كه‌ى ده‌گه‌ڕێته‌وه بۆ سه‌ده‌ى 18ـه‌هه‌م .
ئاماده‌كردن وه‌رگێڕانى / سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.