له‌هه‌ولێر کۆنفڕانسی ده‌وڵه‌تسازی ده‌ستى پێکرد

كاتژمێر 9:30ى به‌یانی ئه‌مرۆ سێشه‌مه‌ رێكه‌وتی 2018/7/3 سه‌نته‌رى توێژینه‌وه‌ی په‌رله‌مان و مێری  ، كۆنفڕانسی ده‌وڵه‌تسازی ده‌ستى پێكرد  . 
ئینستیوتی رۆژهه‌ڵاتی ناوه‌ڕاست بۆ توێژینه‌وه‌ (مێری) و سه‌نته‌رى توێژینه‌وه‌ى په‌رله‌مانى كوردستان،   له‌ هۆتێل رۆتانا له‌ شارى هه‌ولێر  به‌ ئه‌نجامدانی كۆنفڕانسێكى هاوبه‌ش كه‌ تایبه‌ته‌ به‌ تاووتوێكردنی ده‌رهاویشته‌كانى دوایین راپۆرتی ئینستیوتی مێری سه‌باره‌ت به‌ (ده‌وڵه‌تسازی: نه‌خشه‌ رێگایه‌ك بۆ سه‌روه‌ریكردنی یاسا و به‌ دامه‌زراوه‌ییكردن له‌ هه‌رێمی كوردستان).
كۆنفرانسه‌كه‌ به‌شێوازى مێزگردێكی به‌رفراوان ئه‌نجام ده‌درێت و كۆمه‌ڵێك پانێڵ له‌خۆ ده‌گرێت كه‌ ئه‌ندامانى په‌رله‌مانی كوردستان و نوێنه‌رانی ده‌سه‌ڵاتی دادوه‌رى و بژارده‌یه‌ك له‌ كه‌سانی ئه‌كادیمی و پسپۆڕانی بوارى یاسادانان به‌شدارن.