روانگه‌ی مافی مرۆڤی سووریا رایگه‌یاندووه كه زیاتر له 120 هه‌زار كه‌س له‌سه‌ره‌تای ده‌ستپێكردنی هێرشه‌كانی سوپای سووریا بۆسه‌ر شاری درعا ماڵوحاڵی خۆیان جێهێشتووه و ئاواره بوونه.
به‌گوێره‌ی ئاماره‌كان زۆربه‌ی ئاواره‌كانی درعا به‌ره‌و سنووری ئورده‌ن و به‌رزاییه‌كانی جۆلانی ژێر كۆنتڕۆڵی ئیسڕائیل رۆیشتوون.
له‌لایه‌ن خۆیه‌وه یوڤال شتاینیتز وه‌زیری وزه‌ی ئیسڕائیلیش جه‌ختی كردووه كه وڵاته‌كه‌ی رێگه به ئاواره سوورییه‌كان نادات بێنه ناوچه‌كانی ژێر كۆنتڕۆڵی ئیسڕائیل و هه‌روه‌ها ئورده‌نیش رایگه‌یاندووه كه سنووره‌كانی خۆی به‌سه‌ر ئاواره‌ی نوێدا داده‌خات.
شایه‌نی باسه كه له ئێستادا نزیكه‌ی 650 هه‌زار هاوڵاتی سووریی ئاواره‌ی وڵاتی ئورده‌ن بوونه و له‌وێ له كه‌مپه‌كاندا ژیان به‌سه‌ر ده‌به‌ن.
سه‌رچاوه / یۆرۆ نیوز
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.