له‌میانى به‌ڕێوه‌چوونى یاریه‌كانى جامى جیهانى 2018 كه‌له‌وڵاتى ڕووسیا به‌ڕێوه‌ده‌چێت ، له‌كۆمه‌ڵه‌ى پێنجه‌مى جامه‌كه ، ئێواره‌ی ڕۆژى چوارشه‌ممه هه‌ردوو هه‌ڵبژارده‌ى به‌رازیل و سێربیا رووبه‌رووی یه‌ك بوونه‌وه
به‌رازیل توانى سه‌ركه‌وتن به‌ده‌ست بهێنێت له‌یاریه‌كه‌دا به‌ئه‌نجامى دووگۆلی بێ به‌رامبه‌ر ، به‌م ئه‌نجامه‌ش هه‌ڵبژارده‌كه توانى سه‌ركه‌وێت بۆ قۆناغى 16 ، سێربیاش ماڵئاوایی له‌جامه‌كه كرد
له‌تایمى یه‌كه‌مى یاریه‌كه له‌خوله‌كى 10 دا ، مارسیلۆی به‌رگریكار و كاپتنى هه‌ڵبژارده‌ی به‌رازیل به‌هۆی بوونى ئازار له‌پشتیدا یاریه‌كه‌ى پێ ته‌واو نه‌كرا و یاریگاى جێهێشت .
مارسیلۆ له‌هه‌ژمارى خۆی له‌تۆڕی كۆمه‌ڵایه‌تى ئینستگرام په‌یامێكى بڵاو كرده‌وه ڕایگه‌یاند :
سوپاس بۆ ئەو نامه و په‌یامانه‌ى پێم گه‌یشتن كه‌هیواى سه‌لامه‌تی بۆ منیان خواست ، سوپاس بۆ خوا من له‌ئێستادا باشم و پێكانم قورس و وه‌به‌م زوانه ده‌گه‌ڕێمه‌وه بۆ هه‌ڵبژارده‌كه‌م ، پێویست ناكات نیگه‌ران بن ، جارێكى دیكه سوپاس بۆ ئێوه ، هیوای سه‌ركه‌وتن بۆ هه‌ڵبژارده‌مان
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.