هه‌شت بۆمبی چێنراو له‌ که‌رکوک ته‌قییه‌وه‌

شه‌وی ڕابردوو له‌ هه‌ریه‌ك له‌ شارۆچكه‌ی مولته‌قای باشووری كه‌ركوك و شارۆچكه‌ی حه‌وێجه‌ 8 بۆمبی چێنراو ته‌قییه‌وه‌ و به‌ هۆیه‌وه‌ نزیكه‌ی 15 كه‌س بوونه‌ قوربانی

ژووری ئۆپه‌راسیۆنه‌كانی كه‌ركوك به‌ سه‌ته‌لایتی كوردستانی ڕاگه‌یاند: شه‌وی ڕابۆدوو له‌ سنووری گوندی مه‌نسورییه‌ ی سه‌ر به‌ شارۆچكه‌ی مولته‌قا له‌ باشووری كه‌ركوك 4 بۆمبی چێنراو ته‌قییه‌وه‌ و به‌ هۆیه‌وه‌ 4 هاوڵاتی بریندار بوون.

هه‌روه‌ها ڕاشیگه‌یاند: هه‌ر شه‌وی ڕابردوو له‌ شارۆچكه‌ی حه‌ویجه‌ 4 بۆمبی تری چێنراو ته‌قییه‌وه‌ و له‌ ئه‌نجامی ته‌قینه‌وه‌ی بۆمبه‌كانیش 4 هاوڵاتی و 4 پۆلیس بریندار بوون.