وەزیری کاروباری شەهیدان و ئەنفالکراوان ئاشکرای دەکات، لەماوەی شەڕی داعش لە ھەرێمی كوردستان زیاتر لە دوو ھەزار كەس بێسەروشوێن بوونە.
مەحموود حاجی ساڵح، کاروباری شەهیدان و ئەنفالکراوان رایگەیاند" لە ماوەی شەڕی داعش 2 هەزار و 495 کەس لە کوردانی ئێزدی، لەلایەن وەزارەتی شەھیدان و ئەنفالكراوان تۆماركراون. لە كۆی ئەو ژمارەیەشدا دوو هەزار و 303 کەسیان هیچ زانیارییەكیان لەبارەوە نییە".
ئەو گوتانەی وزیری کاروباری شەهیدان و ئەنفالکراوان، لە میانی بەشداریكردنی بوو لە کۆنفڕانسی نەهێشتنی توندوتیژی سێکسی لە شارى ھەولێر.
وتیشى" تائێستا دوو هەزار و 36 دۆسیەی تاوانی توندوتیژی لەلایەن وەزارەتەکەیانەوە تۆمار کراوە، كە دژ بە كچان و ژنانی ئێزی ئەنجامدراوە، لە نێویاندا ھەزار و 52 كەسیان تەمەنیان لە سەرووی 18 ساڵی بوو، 948 كەسی دیكەش تەمەنیان لە خوار 18 ساڵییە".
کۆمێنت (0)
تا ئێستا هیچ کۆمێنتێک نەکراوە.