له‌میانى به‌ڕێوه‌چوونى یاری دۆستانه‌ى نێوان هه‌ڵبژارده‌كانى جیهان له‌پێناو ئاماده‌كاریان بۆ یاریه‌كانى جامى جیهانى 2018 ، كه‌بریاره ڕۆژى 14 - 6 - 2018 یاریه‌كانى مۆندیال ده‌ست پێبكات ، ئێواره‌ى رۆژى شه‌ممه 9ى حوزه‌یران هه‌ڵبژارده‌ى فه‌ره‌نسا له‌یاریگاى ئۆلۆمپیك له‌شارى لیۆن میواندارى ئه‌مریكاى كرد .
له‌تایمى یه‌كه‌مى یاریه‌كه هه‌ڵبژارده‌ى ئه‌مریكا له‌خوله‌كى 44ى تایمى یه‌كه‌مى یاریه‌كه له‌ڕێگاى یاریزان جۆلیان گرینه‌وه گۆلیان تۆمار كرد له‌به‌رامبه‌ر فه‌ره‌نسا ، گۆلى یه‌كسان بوونى فه‌ره‌نسیه‌كان له‌تایمى دووه‌م بوو كاتێك له‌خوله‌كى 77 مباپى گۆلى یه‌كسانى بۆ هه‌ڵبژارده‌كه‌ى تۆمار كرد و له‌شكست ڕزگاری كردن .
به‌و ئه‌نجامه‌ش یری نێوان هه‌ردوو هه‌ڵبژارده به‌كۆتا هات .
هه‌ڵبژارده‌ى فه‌ره‌نسا له‌كۆمه‌ڵه‌ى سێیه‌مى مۆندیال دایه له‌به‌رامبه‌ر هه‌ریه‌ك له‌هه‌ڵبژارده‌كانى ئوسترالیا ، پیرۆ ، داینمارك یاری ئه‌نجام ده‌دات .
کۆمێنت (0)
تا ئێستا هیچ کۆمێنتێک نەکراوە.