ئەمڕۆ کۆمیسیۆنی باڵای سەربەخۆی هەڵبژاردن و راپرسی هەرێمی کوردستان لەبارەی چەند پرسێک کۆدەبێتەوە، یەکێک لەوانەش بەکارهێنان یان رەتکردنەوەی بەکارهێنانی سیستەمی ئەلیکترۆنییە بۆ هەڵبژاردنەکانی هەرێمی کوردستان.
ئیسماعیل خورماڵی، بڕیاردەری کۆمیسیۆنی باڵای سەربەخۆی هەڵبژاردن و راپرسی هەرێمی کوردستان رایگه‌یاند: ئه‌مڕۆ ئەنجوومەنی کۆمیسیاران لە هەولێر لەبارەی چەند پرسێک کۆدەبێتەوە.
بەگوتەی ئیسماعیل خورماڵی یەکێک لە ئەجێنداکانی کۆبوونەوەکەیان تاوتوێکردنی سیستەمی ئەلیکترۆنییە، کە بۆ هەڵبژاردنی پەرلەمانی عێراق بەکارهات و ناڕەزایەتی چەندین لایەنی سیاسی لێکەوتەوە.
پێش بەڕێوەچوونی هەڵبژاردنی پەرلەمانی عێراق، کۆمیسیۆنی هەرێمی کوردستان بڕیاریدابوو هاوشێوەی عێراق سیستەمی ئەلیکترۆنی بەکاربهێنێت، بەڵام ناڕەزایەتی چوار لایەنی سەرەکی هەرێمی کوردستان لەو سیستەمە وایکرد کۆمیسیۆن جارێکی دیکە بە بڕیارەکەدا بچێتەوە.
کۆمێنت (0)
تا ئێستا هیچ کۆمێنتێک نەکراوە.