سه‌ره‌ڕای هه‌ڕه‌شه‌كردن له خه‌ڵك و رێگریكردن له بریكارانیان له ده‌شتی نه‌ینه‌وا، حه‌شدی شه‌عبی ده‌ستكاری ئه‌نجامی ده‌نگدانیان كردووه .
غه‌زوان حامید، كاندیدی كۆتای شه‌به‌ك له لیستی ته‌یار ئه‌حرار شه‌به‌ك له مووسڵ دەڵێ: حه‌شدی شه‌عبی له مووسڵ ته‌زویرێكی زۆریان كرد و به جلی مه‌ده‌نییەوە له‌ناو بنكه‌كانی ده‌نگدان هه‌ڕه‌شه‌یان له خه‌ڵك ده‌كرد کە نابێ ده‌نگ به ئەحرار شەبەک بده‌ن.
هه‌روه‌ها جەختی کردەوە كه هادی عامری كاندیدێكی هه‌بوو و حه‌شدی شه‌عبی بۆ ئه‌و كاریان ده‌كرد و بریكاره‌كانی ئێمه‌یان له بنكه‌كان كردنه ده‌ره‌وه و ئه‌نجامه‌كانیشیان به ئێمه و بریكاره‌كان نه‌دا، له‌به‌ر ئه‌وه‌ی ئه‌وان له‌وێ ده‌سته‌ڵاتدار بوون و ئێمه‌ش بێده‌سته‌ڵات.
غه‌زوان حامید راشیگه‌یاند: سه‌ره‌ڕای ئه‌و هه‌موو ساخته‌كاری و رێگریكردن و هه‌ڕه‌شه‌كردن له كوردانی شه‌به‌ك، ده‌ستكاریی ئه‌نجامه‌كانیشیان كردووه و شه‌ش هه‌زار ده‌نگمان زیاتر به ده‌ست هێناوه. بەڵام ئه‌وان دەڵێن گوایە زیاتر له 13 هه‌زار ده‌نگیان هێناوه، كه ئه‌مه به هیچ شێوه‌یه‌ك راست نییه و قبووڵكراویش نییه، بۆیه رازی نابین و سكاڵاشمان له كۆمسیۆن تۆمار كردووه.
کۆمێنت (0)
تا ئێستا هیچ کۆمێنتێک نەکراوە.