له بنكه‌یه‌كی ده‌نگدان شه‌ڕ له نێوان لایه‌نگرانی سه‌در و لایه‌نگرانی عه‌بادی روویدا.
سه‌رچاوه‌یه‌كی ئه‌منی رایگه‌یاند: له میانی پڕۆسه‌ی ده‌نگدانی گشتی بۆ هه‌ڵبژاردنه‌كانی ئه‌نجوومه‌نی نوێنه‌رانی عێراق كه ئه‌مڕۆ شه‌ممه به‌ڕێوه‌ده‌چێت له‌سه‌ر تۆمه‌تباركردنی یه‌كتر به ئه‌نجامدانی ساخته‌كاری له ناوه‌ندێكی ده‌نگدان له ناحیه‌ی عه‌باسی له پارێزگای نه‌جه‌ف باشووری عێراق ، شه‌ڕ و پێكدادان له نێوان لایه‌نگرانی سه‌در و لایه‌نگرانی سه‌رۆكوه‌زیران، حه‌یده‌ر عه‌بادی روویداوه.
سه‌رچاوه‌كه ئاماژه‌ی به‌وه‌شدا كه به هۆی شه‌ڕو پێكدادانه‌كه‌وه، به‌ڕێوه‌به‌ری ناوه‌ندی ده‌نگدانه‌كه، ناوه‌نده‌كه‌ی داخستبوو، به‌ڵام دوای كاتژمێرێك له رووداوه‌كه، دووباره بنكه‌كه كرایه‌وه.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.