دوێنى سێشه‌ممه 8ى ئایارى 2018، روحانى سه‌رۆك كۆمارى ئێران له ته‌له‌فزیۆنى وڵاته‌كه‌ى له باره‌ى بڕیارى كشانه‌وه‌ى ئه‌مریكا له ڕێككه‌وتنى ناوه‌كى وڵاته‌كه‌ى ڕایگه‌یاند: ئێران له ڕێككه‌وتنى ناوه‌كى 2015 ده‌مێنێته‌وه سه‌ره‌ڕاى بڕیارى كشانه‌وه‌ى ئه‌مریكا له ڕێككه‌وتنه‌كه كه له‌لایه‌ن دۆناڵد تره‌مپ سه‌رۆكى وڵاته یه‌كگرتووه‌كانه‌وه دوێنى ڕاگه‌یه‌ندرا.
روحانى بڕیاره‌كه‌ى تره‌مپى به " نایاسایى و ناڕه‌وا ناوبرد، ڕێككه‌وتنى نێوده‌وڵه‌تى لاواز ده‌كات " ئه‌مه‌ش " ئه‌زموونێكى مێژوویى ده‌بێت بۆ ئێران " هه‌روه‌ها روحانى وتى وڵاته یه‌كگرتووه‌كانى ئه‌مریكا هه‌رگیز پابه‌ند بوونه‌كانى ڕێككه‌وتنه‌كه‌ى به‌جێ نه‌هێنابوو.
ناوبراو گوتیشى فه‌رمانم به محه‌مه‌د جه‌واد زه‌ریف وه‌زیرى ده‌ره‌وه‌ى ئێران كردووه تا دانوستان له‌گه‌ڵ 5 وڵاته‌كه‌ى ناو ڕێككه‌وتنه‌كه ئه‌نجام بدات، ئه‌گه‌ر ئه‌وان شكست به ڕێككه‌وتنه‌كه بێنن ئه‌وا كۆمارى ئیسلامى ئێران له حه‌فته‌ى داهاتووه‌وه ده‌ست به چالاكیی پیتاندنى یۆرانیۆم ده‌كات .
وه‌رگێڕانی/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.