له نه‌شته‌رگه‌ریه‌كی سه‌خت و چه‌ند كاتژمێریدا له نه‌خۆشخانه‌ی گوڵانی ئاكرێ گرێیه‌كی 4 كیلۆگرامی له هێلكه‌دانی كچێكی ته‌مه‌ن 12 ساڵان ده‌هێندرێته ده‌ره‌وه.
"عه‌دنان ساڵح ئاكره‌یی" پزیشكی نه‌شته‌رگه‌ری گشتی نه‌خۆشخانه‌ی ئاكرێ كه نه‌شته‌رگه‌رییه‌كه‌ی ئه‌نجامداوه بۆ كچه 12 ساڵانه‌كه، به ماڵپه‌ڕی ده‌زگای سه‌ته‌لایتی كوردستانی ڕاگه‌یاند:دوای ئه‌وه‌ی له لایه‌ن خانه‌واده‌كه‌یه‌وه منداڵێكی 12 ساڵانیان هێنا بۆ نه‌خۆشخانه و دوای پشكنین ده‌ركه‌وت كه گرێیه‌كی گه‌وره له‌سه‌ر هێلكه‌دانی لای ڕاستییه‌تی، دوای وتو وێژكردن له‌گه‌ڵ خانه‌واده‌كه‌ی دوێنێ نه‌شته‌رگه‌رییه‌كی سه‌ختمان بۆ ئه‌و كچه 12 ساڵانه ئه‌نجامدا كه نه‌شته‌رگه‌ریه‌كه ماوه‌ی 2 كاتژمێری خایاند و توانرا سه‌ركه‌وتوانه گرێیه‌كی گه‌وره‌ی شێرپه‌نجه‌یی له هێلكه‌دانی ئه‌و كچه ده‌ربهێندرێته ده‌ره‌وه.
راشیگه‌یاند: خۆشبه‌ختانه ئێستا ته‌ندروستی كچه‌كه باشه و له نه‌خۆشخانه له ژێر چاودێری پزیشكیدایه.
کۆمێنت (0)
تا ئێستا هیچ کۆمێنتێک نەکراوە.