هونه‌رمه‌ندی گۆرانیبێژی باكووری كوردستان " جانی حه‌یران " له ئێستادا له شاری هه‌ولێر ده‌ژیت و سه‌رقاڵی به‌رهه‌مهێنانی فیلمێكی دیكۆمێنتاریه له سه‌ر كاره‌ساتی شه‌نگاڵ .
ئه‌و هونه‌رمه‌نده گه‌نجه‌ی باكووری كوردستان ئاشكرایده‌كات ،هه‌رچه‌نده ئه‌و وه‌ك گۆرانیبێژێك ناسراوه و خاوه‌نی ژماره‌یه‌كی زۆریشه له گۆرانی ، به‌لام له ساڵی 2015 ه وه خه‌ریكی به‌رهه‌مهێنانی فیلمێكی سینه‌ماییه له سه‌ر كاره‌ساته دڵته‌زێنه‌كه‌ی شه‌نگال و له ئێستادا هه‌موو كاره‌كانی ئه‌م فیلمه به كۆتا هاتووه و له ماوه‌یه‌كی زۆر نزیكدا له شاره‌كانی كوردستان نمایشده‌كرێت .
جانێ وتیشی ، فیلمه‌كه به ناوی " كاره‌ساتا شنگال 74 " ه و له‌سه‌ر ئه‌ركی خۆی هه‌موو كاره‌كانی ئه‌نجامداوه و نزیكه‌ی 200 هه‌زار دۆلار تێچووی ئه‌م فیلمه‌یه كه شاره‌كانی شه‌نگال ، مه‌خموور ، كۆبانێ، قامیشلۆ و موسل كاره‌كانی وێنه‌گرتنی ئه‌نجامدراوه .
ئه‌م فیلمه باس له داگیركردنی شه‌نگال و كۆبانێ و كرین و فرۆشتنی ژنی ئێزیدی ده‌كات ، ناوبراو خۆیشی رۆڵی كچێكی كورد ده‌بینێت كه له رۆژی بوكێنیدا ده‌رفێندرێت و ده‌كه‌وێته ده‌ستی ه‌میرێكی داعش .
کۆمێنت (0)
تا ئێستا هیچ کۆمێنتێک نەکراوە.