فریا و هێرۆ گۆرانییه‌کی له‌یلا فه‌ریقی ده‌ڵێنه‌وه‌

‌هه‌ردوو گۆرانیبێژی رۆژهه‌ڵاتی كوردستان "  فریا و هێرۆ "  به‌یه‌كه‌وه‌  یه‌كێك له‌ گۆرانییه‌كانی هونه‌رمه‌ند " له‌یلا فه‌ریقی " به‌ ناوی" زیندووم كه‌وه‌ "ده‌لێنه‌وه‌ .

ئه‌م دوو هونه‌رمه‌نده‌ له‌ نێو تۆره‌كۆمه‌ڵایه‌تییه‌كاندا به‌ شێوه‌یه‌كی به‌رفراوان  گرته‌ی ڤیدیۆیی گۆرانییه‌كه‌یان بڵاوكردووه‌ته‌وه‌ و كه‌ تێیدا ده‌رده‌كه‌وێت وه‌ك هه‌موو كاره‌كانی پێشووتریان  " فریا " به‌ ئامێری گیتار میوزیك بۆ " هێرۆ " ده‌ژه‌نێت .

هێرۆ و فریا له‌ زۆربه‌ی كاره‌كانیان به‌ شێوه‌ی  دوێت  به‌ یه‌كه‌وه‌ ده‌رده‌كه‌ون و هه‌ردووكیشیان ته‌نیا یه‌ك هه‌ژماری هاوبه‌شیان له‌ نێو تۆره‌كۆمه‌ڵایه‌تییه‌كاندا هه‌یه‌ كه‌ كاروچالاكییه‌كانیان  به‌م هه‌ژماره‌ هاوبه‌شه‌ بڵاوده‌كه‌نه‌وه‌ .

هه‌ردوو هونه‌رمه‌ند خه‌لكی رۆژهه‌ڵاتی كوردستانن و چه‌ند سالێكه‌ له‌ هه‌رێمی كوردستان نیشته‌جێن و وه‌ك گۆرانیبێژ و میوزیكژه‌ن كارده‌كه‌ن .