تیمێکى سەربە رێکخراوی قەدەغەکردنی چەکی کیمیاویی  گەیشته‌ سووریا

ئه‌مرۆ یه‌كشه‌ممه‌ 15/4/2018 تیمێكى سەربە رێکخراوی قەدەغەکردنی چەکی کیمیاویی   گەیشته‌ سووریاو لەگەڵ بەرپرسانى حکوومی و ئەمنی رژێمی سووریا، کۆبووەوە.

بڕیارە سبه‌ى دووشەممە، تیمەکە بچێتە شاری دوما و لێکۆڵینەوە لە ئەگەری بەکارهێنانی چەکی کیمیاوی لەو شارە بکات و تا رۆژی چوارشەممەی داهاتوو راپۆرتێک بۆ نەتەوە یەکگرتووەکان ئامادە دەکات.

پێشتر به‌هۆى کیمیابارانکردنی شاری دوما لەلایەن رژێمی سووریاوە، زیاتر لە 150 کەس گیانیان دەستدا و زیاتر لە هەزار کەسی دیکەش بریندار بوون.

چوونی ئەو تیمە بۆ سووریا دوای ئەوە دێت، کە بەرەبەیانی رۆژی شه‌ممه‌ 14/4/2018، فڕۆکە جەنگییەکانی ئەمریکاو فەرەنساو بەریتانیا بە 100 تا 120 مووشەکی تۆماهۆک، سێ بنکەی پەیوەندیدار بە چەکی کیمیاویی رژێمی سووریایان بۆردومان کرد.