شه‌پۆڵێکی باران بارین ته‌واوی هه‌رێمی کوردستان ده‌گرێته‌وه‌

به‌ڕێوه‌به‌ری گشتی كه‌شناسی و بوومه‌له‌رزه‌زانی هه‌رێمی كوردستان رایگه‌یاند: ئه‌م هه‌فته‌یه‌ شه‌پۆڵێكی باران بارین ته‌واوی هه‌رێمی كوردستان ده‌گرێته‌وه‌ .

فازڵ ئیبراهیم به‌ڕێوه‌به‌ری گشتی كه‌شناسی و بوومه‌له‌رزه‌زانی هه‌رێمی كوردستان له‌ لێدوانێكدا به‌ كوردستان تیڤی راگه‌یاند: به‌پێی پێشبینیه‌كانی كه‌ش و هه‌وا له‌م هه‌فته‌یه‌ به‌هۆی نزمه‌ پاڵه‌په‌ستۆیه‌ك له‌ ده‌ریایی ناوه‌ڕاست و ده‌ریایی سور شه‌پۆڵێكی باران بارین هه‌رێمی كوردستان ده‌گرێته‌وه‌ و له‌ ئێواره‌ی رۆژی سێشه‌ممه‌ ده‌ستپێده‌كات و تا رۆژی هه‌ینی به‌رده‌وام ده‌بێت و ته‌واوی هه‌رێمی كوردستان ده‌گرێته‌وه‌ .