کۆمیسیۆنی باڵای سەربەخۆی هەڵبژاردنەکانی عێراق ژماریه‌ك ئامێری ژماردنی دەنگی رەوانەی هەرێمی کوردستان کرد.
سه‌رچاوه‌یه‌ك له کۆمیسیۆنى بالاى هه‌لبژرادنه‌كانى عێراق رایگه‌یاند" نزیکەی 8 هەزار و 500 ئامێری ژماردنی دەنگدان بۆ هەڵبژاراردنەکانمان رەوانەی پارێزگاکانی هەرێمی کوردستان کردووه.
گوتیشی" لە هەموو بنکەیەکی دەنگداندا یەک ئامێر دادەنرێت، ئامێرەکە هەموو ئەو فۆرمانە دەژمێرێت کە دەخرێنە نێو سندووقەکانی دەنگدان و دەنگی هەموو کاندید و قەوارەکانیش راستەوخۆ جیادەکاتەوە.
شایه‌نى باسى ئه‌مه بۆ یەکەمین جارە ئامێری ئەلیکترۆنی ژماردنی دەنگ لە عێراق و کوردستان بەکاردەهێندرێت. كه ئامێرەکە پرۆسەی ژماردنی دەنگ خێرا دەکات و دەتوانرێت لە ماوەی دوو کاتژمێردا دەنگی هەموو دەنگدەران بژمێرێت، هەروەها بە یەکێک لە رێگا باشەکان دادەنرێت بۆ رێگریکردن لە ساختەکاری".
ئامێرە ئەلیکترۆنییەکە پێویستی بە کارەبا و ئینتەرنێت نییە، چونکە بە سیستەمی ڤیزات کاردەکات و باتری خۆی لەگەڵدایە. لەکاتی دەنگداندا سندووقەکە یەکسەر دەنگەکان ھەژماردەکات و لەیەکتر جیادەکاتەوە. ماوەی درێژکردنەوەی دەنگدانیش قبوڵ ناكات و بەپێی ئەو کاتە کاردەکات کە بۆ پرۆسەی دەنگدان دیاریکراوە.
بڕیارە رۆژی 12ی ئایاری 2018 هەڵبژاردنی پەرلەمانی عێراق ئەنجام بدرێت، لە 15ی ئەم مانگەشەوە بانگەشەی هەڵبژاردن دەستپێدەکات.
لەم هەڵبژاردنەدا لیست و قەوارەکان کێبڕکێ لەسەر بەدەستهێنانی 325 کورسی پەرلەمانى عێراق دەکەن، لەو ژمارەیەش 43 کورسی بەر هەرێمی کوردستان و 13 کورسیش بەر کەرکووک دەکەون.
کۆمێنت (0)
تا ئێستا هیچ کۆمێنتێک نەکراوە.