دوای كوژرانی 16 فه‌ڵه‌ستینی و برینداربوونی سه‌دانی دیكه له ناڕه‌زایه‌تییه‌كانی سه‌ر سنووری ئیسڕائیل و كه‌رتی غه‌ززه‌دا، ئه‌نجومه‌نی ئاسایشی نه‌ته‌وه یه‌كگرتووه‌كان رایگه‌یاند كه هه‌رچی زووتر خوازیاره لێكۆڵینه‌وه له‌سه‌ر ئه‌م بابه‌ته بكرێت.
چاودێری مافی مرۆڤی سه‌ر به نه‌ته‌وه یه‌كگرتووه‌كانیش وتوویه‌تیی كه ئاماری قوربانییه‌كان مایه‌ی نیگه‌رانییه.
سه‌رچاوه ته‌ندرووستییه‌كانی كه‌رتی غه‌ززه رایانگه‌یاندووه كه له هێرشه‌كانی ئیسڕائیلدا بۆسه‌ر خۆپیشانده‌رانی فه‌ڵه‌ستینیی، به‌لایه‌نی كه‌مه‌وه 16 كوژراو و 750 بریندار هه‌یه.
به هه‌زاران فه‌ڵه‌ستینیی له سه‌روبه‌ندی ساڵیادی دامه‌زرانی ده‌وڵه‌تی ئیسڕائیلدا به وتنه‌وه‌ی دروشم و كۆبوونه‌وه‌ی ناڕه‌زایی و مانگرتنی شه‌ش هه‌فته‌یی له‌سه‌ر سنووره‌كانی نێوان كه‌رتی غه‌ززه و ئیسڕائیل كۆبوونه‌ته‌وه.
سوپای ئیسڕائیلیش وتوویه‌تیی كه له شه‌ش شوێنه‌وه ئاژاوه له‌لایه‌ن ئه‌و كه‌سانه‌وه درووست بووه و ئه‌وانیش ته‌قه‌یان له‌و كه‌سانه كردووه كه هۆكاری سه‌ره‌كیی ئاژاوه‌كان بوون.
سه‌رچاوه / بی بی سی
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.