پارێزگاری هەولێر بەناوی پارێزگای هەولێر داوای لێبوردنی لەو مامۆستایە کرد، کە لە خۆپیشاندانێکی مامۆستایان لە هەولێر لەلایەن دوو کەسەوە لێیدرا.
ئەو مامۆستایە "بە لوتف و گه‌وره‌یی خۆی دوور له چاوى كامێرا و میدیاكان به یاوه‌ری به‌ڕێوه‌به‌ری قوتابخانه‌كه‌ى سەردانی دیوانى پارێزگا و پارێزگاری هه‌ولێریان كردووە.
نه‌وزاد هادی پارێزگاری هه‌ولێر، پێشوازی له مامۆستاكه و به‌ڕێوه‌به‌ری ئه‌و قوتابخانه‌یه كردووه كه مامۆستاكه ده‌وامی لێده‌كات و وێڕای ئیدانه‌كردنی ئه‌و بێڕێزییه به‌رامبه‌ر به مامۆستاكه كراوه، به فه‌رمییش داوای لێبوردنی لێكردووه و ستایشی خزمه‌ت و به‌خشنده‌یی و لێبورده‌یی مامۆستاكه‌ی كردووه.
پارێزگاری هەولێر بەڵێنی ئەوەی بە مامۆستاكە داوە كە هەموو رێكارە یاسایی و ئوسوڵییەكان لەلایەن دەزگا پێوەندارەكان بۆ سزادانی ئەو دوو كەسە دەگیرێتە بەر، هاوكات مامۆستاكە دووپاتی لەوە كردووەتەوە كە ئەو رەفتارە، لە شكۆ و گەورەیی مامۆستا كەم ناكاتەوە و رێگر نابێت لە بەردەوامبوونیان لە خزمەت و پەروەردەكردن و پێگەیاندنی نەوەی تازە.
کۆمێنت (0)
تا ئێستا هیچ کۆمێنتێک نەکراوە.