سه‌رچاوه‌یه‌كی سه‌ربازی بڵاویكرده‌وه ویلایه‌ته یه‌كگرتووه‌كانی ئه‌مه‌ریكا پرۆسه‌ی چۆڵكردنی هه‌ردوو بنكه‌ی سه‌ربازی ئاسمانی ئه‌نجه‌رلیك له توركیا و عوده‌ید له قه‌ته‌ڕ خێرا ده‌كات و بنكه‌یه‌كی دیكه‌ی سه‌ربازییش له سعوودیه داده‌مه‌زرێنێت پاش ئه‌وه‌ی كه ڕۆژی بیستی ئادار ئه‌و ڕێكه‌وتنه مۆركراوه له‌لایه‌ن دۆناڵد تره‌مپی سه‌رۆكی ئه‌مریكا و محه‌مه‌د بن سه‌لمانی شازاده‌ی جێنشینی سعوودیه.
هه‌ر به‌گوێره‌ی ئه‌و سه‌رچاوه‌یه گواستنه‌وه‌ی ئه‌و دوو بنكه سه‌ربازییه له‌كاتێكدایه جه‌نگی داعش كه‌متر بووه‌ته‌وه و چیدیكه بنكه‌ی ئاسمانی سه‌ربازی ئه‌نجه‌رلیك پێویست نییه و له جیاتی ئه‌و بنكه‌یه‌ش پێده‌چێت ئه‌مه‌ریكا بنكه‌ی ئاسمانی سه‌ربازی ئه‌ندراڤێدای یۆنان به‌كاربهێنێت. ئه‌م ڕێكه‌وتنه‌ی سعودیه و ئه‌مریكا په‌یامێكی ڕوونه بۆ ئێران كه ئیداره‌ی تره‌مپ پاڵپشتی شای سعوودیه ده‌كات.
کۆمێنت (0)
تا ئێستا هیچ کۆمێنتێک نەکراوە.