لێكۆڵه‌ر و چاودێرێكی سیاسی رایده‌گه‌ێنێ، شیوازی ده‌ستبه‌سه‌رداگرتنی شاری عه‌فرین نیشانه‌یه كه بڕیاری پێشوه‌خت دراوه تا به‌ره‌نگاربوونه‌وه‌ی تیادا نه‌كرێت ، ئه‌گه‌ر هاتبا و به‌ره‌نگاربوونه‌وه‌ی تیادا بكرایه ئه‌وا عه‌فرین به مانگێكی تریش نه‌ده‌گیرا.
مامه‌ند ڕۆژه، لێكۆڵه‌ر و چاودێری سیاسی رایگه‌یاند: پێده‌چێت دانوستاندنی ناڕاسته‌وخۆ هه‌بووبێت بۆ چۆڵكردنی شاره‌كه، چونكه شیوازی ده‌ستبه‌سه‌رداگرتنی شاره‌كه نیشانه‌یه كه بڕیاری پێشوه‌خت دراوه تا به‌ره‌نگاربوونه‌وه‌ی تیادا نه‌كرێت .
هه‌روه‌ها ده‌شڵێت: ئه‌گه‌ر هاتبا و به‌رنگاربوونه‌وه‌ی تیادا بكرایه ئه‌وا عه‌فرین به مانگێكی تریش نه‌ده‌گیرا و ئه‌و بڕیاره‌ش له‌و سۆنگه‌یه‌وه بووه تا كوشتار و كۆمه‌ڵكوژی له شاره‌كه‌دا نه‌كرێت و عه‌فرینیش وێران نه‌بێت.
له ڕۆژی 20 ی مانگی یه‌كی ڕابردووه‌وه له‌شكری توركیا به پاڵپشتی فڕۆكه جه‌نگییه‌كانی و تانك و زرێپۆشه‌وه هێرشی ئاسمانی و زه‌مینییان بۆسه‌ر عه‌فرین ده‌ستپێكرد.
دوای ئه‌وه‌ی شه‌ڕڤانان زیاتر له 55 ڕۆژ به‌رگرییه‌كی سه‌ختیان كرد، دوێنێ سوپای توركیا كۆنترۆڵكردنی شاری عه‌فرینی راگه‌یاند.
ئاماده‌كردنی: رزگار
سه‌رچاوه: ده‌نگی ئه‌مریكا
کۆمێنت (0)
تا ئێستا هیچ کۆمێنتێک نەکراوە.