بەڕێوەبەرایەتی راگه‌یاندنى پۆلیسی ڕاپەرین، بۆ ده‌زگاى سه‌ته‌لایه‌تى كوردستان، رایگه‌یاند" پاش نیوەڕۆی ئەمڕۆ کاتژمێر 12:30 لە گوندی شێنێى سەر بە ناحیەی هەڵشۆى ده‌ڤه‌رى پشده‌ر، هەوڵاتیەک بەناوی (ر . ب . ق) لەدایک بووی ساڵی 1968 پیشەی کاسب، بەهۆی لێدانى هەورە بروسکەوه گیانی لەدەستدا.
ڕووداوەکە لەکاتێکدا بووە، كه ئەو هاوڵاتیە سەرقاڵی زەوی کێڵان بووە و دواتر هەورە بروسکە لێی داوە و بەو هۆیەشەوە گیانی لەدەستداوە.
پاش توێکاری بۆ تەرمەکەی له لایه‌ن پزیشكى دادوه‌رییه‌وه، پاشان ڕادەستی کەسوکاری کرایەوەو پەڕاوی لێکۆڵینەوەش بۆ ڕووداوەکە کراوەتەوە و لێکۆڵینەوەش بەردەوامە.
کۆمێنت (0)
تا ئێستا هیچ کۆمێنتێک نەکراوە.