وەزارەتی ناوخۆ بڕیارێک لەبارەی گەشتیارانی ئێرانیەوە دەردەکات

وەزارەتی ناوخۆی هەرێمی کوردستان بڕیاریدا ئەو گەشتیارە ئێرانیانەی دێنە هەرێمی کوردستان ڕسوماتی 25000 دیناریان لێوەرنەگیرێت.

لەڕاگەیەنراوێکدا بەڕێوەبەرایەتیی کۆمەڵگەی خاڵی سنووری نێودەوڵەتیی باشماخ ڕایگەیاند بەبۆنەی نزیکبوونەوەی جەژنی نەورۆز بە بڕیارێکی کەریم شنگالی، وەزیری ناخۆی هەرێمی کوردستان، رسووماتی 25000 هەزار دیناری لەسەر گەشتیارانی هەڵگری پاسپۆرتی ئێرانی لادەبرێت، کە لە ئەمڕۆوە 2018/3/17 تاوەکو 2018/4/1 لە رێگەی خاڵە سنوورییە نێودەوڵەتییەکانەوە دێنە هەرێمی کوردستان.

بەوهۆیەوە خاڵە سنوورییەکان لەوە ئاگادارکراونەتەوە رسوومات لە گەشتیارانی ئێرانی وەرنەگرن.