له‌وڵاتى كۆلۆمبیا یه‌كێتى تۆپى پێى جیهان به‌ئاماده‌بونى ته‌واوى ستافى یه‌كێتیه‌كه، كۆبوونه‌وه‌ى ئاسایی ئه‌نجومه‌نى یه‌كێتیه‌كه‌ى به‌ڕێوه‌برد، تێیدا چه‌ندین پرس و خاڵى ئێستاى وه‌رزش له‌جیهان له‌كۆبوونه‌وه‌كه خرایه‌ڕوو .
یه‌كێك له‌خاڵه‌كانى نێو كۆبوونه‌كه كه‌بڕیارى له‌سه‌ر درا، هه‌ڵگیرانى گه‌مارۆى وه‌رزشى سه‌ر یاریگاكانى عێراق بوو، به‌مه‌رجێك عێراق ده‌توانێ یاریه‌كانى ئه‌نجامبدات له‌یاریگاكانى هه‌ولێرى پایته‌ختى كوردستان، وه‌یاریگاكانى به‌سره و كه‌ربه‌لا .
له‌كۆنگره‌یه‌كى ڕۆژنامه‌وانی جیانى ئینڤانتینیۆ سه‌رۆكى یه‌كێـتى تۆپى پێى جیهان ڕایگه‌یاند: له‌كۆبونه‌وه‌ى ئه‌نجومه‌نى یه‌كێتیه‌كه‌مان ره‌زامه‌ندیمان له‌سه‌ر داواى عێراق نیشاندا به‌هه‌لگرتنى گه‌مارۆى وه‌رزشى له‌سه‌ر ئه‌و وڵاته . ته‌نیا له‌و سێ یاریگایه ده‌ست نیشانكرا عێراق ده‌توانێ یاریه‌كانى ئه‌نجام بدات له‌خول و پاڵه‌وانێتیه‌كانى هه‌ڵبژارده‌كه و یانه‌كانى كه‌به‌شدارن له‌خوله‌كانى ئاسیا و عه‌ره‌بى .
ئاماده‌كردن : شوان عه‌زیز
کۆمێنت (0)
تا ئێستا هیچ کۆمێنتێک نەکراوە.