سبه‌ى سێ شه‌ممه له‌قۆناغى شازده‌ى خولى یانه پاڵه‌وانه‌كانى ئه‌وروپا، له‌یارى گه‌ڕانه‌وه‌ى ئه‌م قۆناغه ئه‌م یاریانه به‌ڕێوه‌ده‌چێت له‌كاتژمێر 10:45 شه‌و به‌كاتى هه‌ولێر..
لێڤه‌رپول – پۆرتۆ
لێڤه‌رپول یاری چوونى له‌م قۆناغه به‌ئه‌نجامێكى گه‌وره براوه‌ى یاریه‌كه بووه به پێنج گۆلى بێ به‌رامبه‌ر كۆتایی به‌یاریه‌كه‌ى هێناوه، بۆیه له‌یارى گه‌ڕانه‌وه‌یدا ئه‌ركى ئاسانه و به‌ڕێژه‌یه‌كى زۆر باش و دڵنیایه‌كى به‌هێز پلیتى سه‌ركه‌وتنى به‌ده‌ست هێناوه بۆ قۆناغى داهاتووى خوله‌كه.
له‌به‌رامبه‌ر پۆرتۆ به‌هۆى ئه‌نجامه قورسه‌كه‌ى له‌یارى پێشوو دووچارى هات ، ئه‌ركى ئاسان نیه بتوانێت به‌ئه‌نجامى گه‌وره براوه‌ى یاریه‌كه بێـت تا بتوانێ سه‌ركه‌وتوبێت بۆ په‌ڕینه‌وه‌ى بۆ قۆناغى هه‌شت
له‌یاریه‌كه‌ى دیكه‌ى هه‌مان خولدا ...
ڕیاڵ مه‌درید میوانى یانه‌ى پاریس سانجێرمانه ، مه‌درید له‌یارى چوونى خوله‌كه به‌ئه‌نجامى سێ گۆل به‌رامبه‌ر گۆلێك براوه‌ى یاریه‌كه بووه .
یانه پاریسیه‌كه وه‌ك له‌لێدوانى به‌رپرسانى یانه و یاریزانان ڕایانگه‌یاندووه، ئه‌نجامى یاری چوون به‌لاى ئێمه‌وه زه‌حمه‌ت نیه بۆمان ، به‌ڵكو ده‌توانین له‌یارى گه‌ڕانه‌وه‌مان براوه‌ى یاریه‌كه بین به‌جۆرێك ڕیاڵ مه‌درید بخه‌ینه ده‌ره‌وه‌ى پاڵه‌وانێتیه‌كه .
پاریس له‌كاتێك میواندارى ڕیال مه‌درید ده‌كات له‌نه‌یمار بێ به‌شه، ئه‌م ئه‌ستێره‌یه به‌هۆى پێكانه‌وه دابڕاوه له‌یارى كردن بۆ یانه‌كه‌ى .
ریاڵ مه‌درید وێڕای براوه بوونى له‌یارى چوون، ئامانج و نیه‌تى ئه‌و یانه‌یه ئه‌وه‌یه براوه‌بێت له‌م یاریه هه‌وڵه‌كانى قه‌ڵاى سپى براوه‌بوونیانه، گه‌رچى له‌لالیگا دوور و له‌ڕكابه‌رى دووركه‌وتووه‌ته‌وه له‌پاڵه‌وانى بوونیان وه‌به‌هه‌مان شێوه‌یه له‌جامى شاى ئیسپانیا كراوه‌ته ده‌ره‌وه، بۆیه نایه‌وێت له‌و خول و جامه‌ش بێ به‌ش بێت بۆیه چاوه‌ڕوان ده‌كرێت ژماره‌یه‌كى ئاسان نه‌بێت له‌م یاریه هه‌وڵى مه‌درید گه‌یشتنه بۆ قۆناغى داهاتووى خوله‌كه .
ئاماده‌كردن : شوان عه‌زیز
کۆمێنت (0)
تا ئێستا هیچ کۆمێنتێک نەکراوە.