كوڕه‌كه‌ى شارى هه‌ولێر كاپتن و ناوێكى دیار و خزمه‌تێكى باش له‌پێش كه‌ش كردن له‌یاری كردنى له‌بوارى تۆپى پێ ، له‌ته‌مه‌نى لاویه‌تیه‌وه ده‌ستى پێكردووه تا ئێستا به‌رده‌وامه ، له‌كاتێك ئیًستای به‌ته‌مه‌نترین یاریزانى به‌شداربووى خولى نایابى كوردستانه له‌ڕیزى یانه‌ى پێشمه‌رگه‌ى هه‌ولێر یاری ده‌كات .ئه‌و ئه‌ستێره‌یه له‌ته‌مه‌نى لاوییه‌وه له‌تیپى گه‌ڕه‌ك ده‌ستى پێكردووه ، به‌هۆى ئاست به‌رزى له‌یارى كردن بانگهێشتى یانه‌كراوه به‌مه‌به‌ستى به‌شدارى له‌خوله‌كاندا، بۆ زیاتر ناساندنى ئه‌م ئه‌ستێره‌یه و ورده‌كارى به‌شێك له‌ژیانى ڕووبه‌رووى كۆمه‌ڵێك پرسیارى ئێمه بوویه‌وه ، تایبه‌ت بۆ ماڵپه‌رى ده‌زگاى سه‌ته‌لایتى كوردستان دوا و زیاتر خۆیی ناساند له‌سه‌ر ژیانى وه‌رزشى خۆی
كاپتن گه‌ر خۆت بناسێنى له‌چ ساڵ و وه‌له‌چ گه‌ڕه‌كێك له‌دایك بووى ؟
ناوم عیماد ئه‌سعه‌ده ، له‌دایك بووى 19-9-1977 له‌گه‌ڕه‌كى ته‌یراوه‌ى شارى هه‌ولێر له‌دایك بووم
له‌چ كاتێك یاریت كردووه و وه ئه‌و كاته‌ى ده‌ستت به‌یارى كردن كرد له‌كام تیپ بوو ، وه سه‌ره‌تاى تێكه‌ڵاویت به‌ژیانى وه‌رزشى و یارى تۆپى پێ چۆن بوو؟
سه‌ره‌تای ته‌مه‌نی لاویم كه‌ئه‌و كات له‌ته‌مه‌نێكى باش دابووم ده‌ستم پێكرد به‌یارى كردن له‌بۆ تیپه‌كانى ئه‌و سه‌رده‌م ، له‌تیپه‌كانى فه‌له‌ستین و سه‌لاحه‌دین ده‌ستم به‌یارى كردن كرد . به‌هیوا بووم بگه‌م به‌ڕۆژى خۆم بتوانم په‌یوه‌ندى بكه‌م به‌یانه‌یه‌كى كوردستانى ، زیاتر خزمه‌ت بكه‌م وه‌هه‌وڵى ئه‌وه‌م ده‌دا له‌و كات ببم به‌ناوێكى باش له‌ژیانى وه‌رزشیم
چ كاتێك په‌یوه‌ندیت كرد به یانه و سه‌ره‌تای ئه‌و یانه‌یه كێ بوو كه‌ده‌ستت پێكرد ؟
له‌گه‌ل یانه‌ى بروسك ده‌ستم پێكرد له‌سالى 1998 په‌یوه‌ندیم به‌و یانه‌یه كرد ، ئه‌و یانه‌یه‌ش قۆناغێكى باشى ژیانى یاری كردنم بوو تێیدا سوودمه‌ند بووم لێى ، بروسك وه‌ك قوتابخانه‌یه‌ك وابوو ده‌ستپێكێكى باش بوو بۆم ، چوومه نێو قۆناغێكى جیاوازتركه ڵه‌گه‌ڵ تیپ جیاواز بوو واته به‌شێوه‌یه‌كى گشتى كرانه‌وه‌ى ده‌رگایه‌كى باشتر بوو بۆم تا به‌دیار بكه‌وم
ئه‌و كاته‌ى په‌یوه‌ندیت كرد به‌یانه‌ى هه‌ولێر چ ساڵێك بوو وه تاكه‌ی به‌رده‌وام بووی ڵه‌گه‌ڵیان ؟
له‌سالًى 2001 په‌یوه‌ندیم كرد به‌یانه‌ى هه‌ولێر تا 2013 به‌رده‌وام بووم ، خزمه‌تێكى باشى یانه‌كه‌م كرد كه‌توانیم ئاستێكى باش ڵه‌گه‌ڵ هه‌ولێر پێشكه‌ش بكه‌م ، یادگارى خۆش و ناخۆشم ڵه‌گه‌ڵ هه‌ولێر هه‌یه ، به‌داخه‌وه دوایى ئه‌و هه‌موو ساڵه خزمه‌ته‌ى پێش كه‌شى هه‌ولێرم كرد له‌كۆتایی به‌نیگه‌رانیه‌كى زۆره‌وه یانه‌م جێهێشت ، كه بڕى 18 ملیۆن دیناریان لێخواردم و پێمیان نه‌دا له‌كاتێك كه‌مافێكى ڕه‌واى خۆم بوو بمده‌نێ ، دواتر ئه‌و پاره‌یه نه‌درا تائیًستاش هه‌ر منیش نیم به‌م شێوه‌یه زوڵممان لێ كرابێ یاریزانى دیكه‌ش هه‌ن له‌یانه ئه‌و مافه‌یان خوراوه و پاره‌یان پێنه‌دراوه به‌داخه‌وه . له‌یانه‌ى هه‌ولێر ڕێز گرتن نیه بۆ یاریزانان ، هه‌میشه ماف خوراون یاریزانان ئه‌و مافه‌یان پێنادرێ كه‌له‌سه‌ر یانه هه‌یانه
قۆناغى دوای یانه‌ى هه‌ولێر ڕووت له‌كێ كرد ڕووت له‌كام یانه كرد ؟
به‌سوپاس و خۆشحاڵیه‌وه دوای یانه‌ى هه‌ولێر ڕووم له‌یانه‌ى پێشمه‌رگه‌ى هه‌ولێر كرد ، كه‌توانیم له‌م یانه‌یه درێژه به‌یاریه‌كانم بده‌م ، وه‌سوپاس بۆ خودا ڵه‌گه‌ڵ هاوكارانم له‌یانه توانیمان به‌هه‌وڵى كۆمه‌ڵێ له یاریزانانى یانه له وه‌رزى ڕابردوو له‌خولى نایابى پێشمه‌رگه‌ى كوردستان ، پاش هه‌وڵ و ماندوو بونێكى باشمان توانیمان ببین به‌پاله‌وانى خوله‌كه بۆ ئه‌م وه‌رزه‌ش هه‌موو هه‌وڵێكمان ئه‌وه‌یه پارێزگارى له‌نازناوى خوله‌كه بكه‌ین وه‌ك پاڵه‌وان بمێنینه‌وه‌و ڕكابه‌ریشى له‌سه‌رده‌كه‌ین.
ئێستاى ته‌مه‌نت چه‌ند ساڵه دوای ئه‌و ماوه باش و خزمه‌ته‌ى پێشكه‌شت كردووه له‌یارى تۆپى پێ هه‌ست به‌ماندوو بوون ناكه‌یی تا كه‌یی بڕیارى به‌رده‌وامیت داوه له‌یارى كردن به‌رده‌وام بی؟
ته‌مه‌نم 41 ساڵه و له‌ناو یاریزانه‌كان گه‌وره‌ترینم له‌ڕووى ته‌مه‌نه‌وه ، من ماندوو نابم تا هێز له‌جه‌سته‌م مابێ خزمه‌تى وه‌رزشى كوردستان ده‌كه‌م ،خزمه‌تى یانه‌ى پێشمه‌رگه‌ى هه‌ولێر ده‌كه‌م كه‌دوا هه‌مین یانه‌مه كه‌بتوانم یاری بۆ بكه‌م ، وه به‌رده‌وام ده‌بم له‌گه‌ڵیان تاهێز له‌جه‌سته‌م مابێت له‌یارى كردن به‌رده‌وام ده‌بم ، به‌شێوه‌ی باشترین و بتوانم كارێك بكه‌م كه‌جێگا بگرێت و له‌خزمه‌تى یانه‌كه‌م دابێت
له‌لایه‌ن خێزانه‌كه‌ته‌وه چه‌ند پاڵپشتن بۆت كه‌به‌رده‌وام بى له‌یارى كردن ؟
سوپاسى خێزان و بنه‌ماڵه‌كه‌م ده‌كه‌م هه‌میشه پاڵپشتم بوون ، له‌هه‌موو كاتێك تا به‌رده‌وام بم له‌ژیانى وه‌رزشیم ، وه‌له‌ئاستى خۆشم دابم زۆر جار زیاتر هانم ده‌ده‌م له‌زیاتر مه‌شق و ڕاهێنانه‌كانم تا له‌یاریه‌كان به‌شێوه‌ی به‌رده‌وام له‌ئاستى باشترینى خۆم دابم ، سوپاس بۆ ئه‌م پاڵپشتى و هاندانه‌یان
له‌خێزانه‌كه‌ى ئێوه چه‌ند وه‌رزشوان هه‌یه یاخوود بڵێم خێزانێكى وه‌رزشین ؟
به‌ڵێ ئێمه خێزانێكى وه‌رزشین ، جه‌لال ئه‌سعه‌د كه برام ده‌كات یاریزانى دێرینى هه‌ولێره ، ئه‌میش خزمه‌تێكى به‌رچاوى ئه‌م شاره‌ى كردووه له‌كاتى یاریزانیدا ، وه تیپى سه‌لاحه‌دین ته‌واوى پێكهاته‌ى ئه‌م تیپه خزم و براكانم بوون ، كامه‌ران محه‌مه‌د گۆلپارێزى یانه‌ى هه‌ولێر له‌خێزانه‌كه‌ى ئێمه‌یه بۆیه به‌شانازییه‌وه له‌خێزانه‌كه‌ى ئێمه خزمه‌تى وه‌رزشى كوردستانمان كردووه به‌خۆشحاڵیه‌وه ، خێزانێكى وه‌رزشیمان لێ ده‌رچووه توانیومانه ته‌مه‌نێكى باش له‌خزمه‌تى وه‌رزشى كوردستان دابین
چ كاتێك دڵخۆش بووى له‌كاتى یاری كردن ، وه‌هه‌سته ناخۆشه‌كانت چین له‌یاری كردن ؟
ئه‌و كاته‌ى له‌یانه‌ى هه‌ولێر بووم پاڵپشتیه‌كى جه‌ماوه‌رى باشمان هه‌بوو زۆر پێى دڵخۆش بووم ، وه‌خۆشترین كاتم له‌گه‌ڵ هه‌ولێر له‌ساڵى 2007 بوو كاتێك بووینه پاڵه‌وانى خولى عێراق ، وه ئێستا زۆر دلخۆش و كامه‌رانم ڵه‌گه‌ڵ پێشمه‌رگه‌ى هه‌ولێر . وه‌ئه‌و كاتانه‌ش هه‌ستێكى ناخۆش لام دروست ده‌بێ كاتێك له‌یاریه‌كان دووچارى شكست ده‌بین ، پێى نیگه‌ران ده‌بم حه‌ز به‌شكست ناكه‌م هیچ كات ، ئاره‌زوومه له‌ته‌واوى یاریه‌كان بتوانین سه‌ركه‌وتن به‌ده‌ست بهێنین .
بۆ هه‌ڵبژارده‌ى تۆپى پێى كوردستان وه‌ك یاریزانێكى به‌ئه‌زموون و سه‌ركه‌وتوو چیت هه‌یه بۆیان گه‌ر داوای ئه‌وه‌ت لێبكرێ له‌ئێستادا په‌یوه‌ندى ده‌كه‌ی بۆ یاری كردن له‌ڕیزى هه‌ڵبژارده‌دا ؟
خۆم به‌خزمه‌تكارى هه‌ڵبژارده‌ى كوردستان ده‌زانم ، پێیان دڵخۆشم و هه‌ست به‌شانازییه‌كى گه‌وره ده‌كه‌م كه هه‌ڵبژارده‌ى كوردستانمان هه‌یه ، به‌تایبه‌ت له‌كاتى به‌شدارى له‌پاڵه‌وانێتیه‌كانى كۆنیفا كه‌به‌شداره دڵخۆشم به‌ئاستى ئه‌و گه‌نجانه‌ى له‌ڕیزى هه‌ڵبژارده‌ن
دیار ڕه‌حمان هاوڕێیه‌كى نزیك و به‌یه‌كه‌وه‌ش یاریتان كردووه ڵه‌گه‌ڵ هه‌ولێر دوایی ساڵانێكى باش له‌خزمه‌ت كردنى ئه‌و ئه‌ستێره‌یه له‌ئێستادا ناوبراو نه‌خۆشه و پێویستى به‌هاوكارییه ، چیت هه‌یه بۆی په‌یامت چیه ؟
سه‌ره‌تا هیواى ته‌ندروستیه‌كى باش بۆ كاكه دیار ده‌خوازم ، خوداى گه‌وره شیفای بداتن بگه‌ڕێته‌وه بۆ یاریكردن به‌ته‌ندروستیه‌كى باش . ئه‌وه‌ى به‌لاى منه‌وه جێگاى نیگه‌رانیه به‌داخه‌وه كه‌ده‌بینم كۆمه‌ك بۆ ئه‌و یاریزانه كۆده‌كرێته‌وه ، خۆ ده‌كرا یانه‌ى هه‌ولێر ته‌واوى خه‌رجیه‌كانى باشتر بوونى ئه‌م ئه‌ستێره‌یه له‌خۆ بگرێ ، له‌كاتێك دیار ڕه‌حمان خزمه‌تێكى باشى هه‌ولێرى كردووه به‌ڵام وه‌ك ووتم له‌یانه‌ى هه‌ولێر ڕێز نیه بۆیه‌ش ئه‌مه بارودۆخه‌كه‌یه
كاپتن دوایی ئه‌و ماوه‌یه‌یی بڕیارى واز هێنانى یاری كردن ده‌ده‌یی به‌رنامه‌ت چى ده‌بێت چ له‌پلانت هه‌یه له‌وه‌رزش ده‌مێنیه‌وه له‌ئه‌رك وه‌رگرتن له‌گه‌ڵ یانه، وه‌یاخوود به‌كارى دیكه سه‌رقاڵ ده‌بى ؟
لێره‌دا سوپاسى به‌ڕێز كاك جه‌مال شێروانى سه‌رۆكى یانه‌ى پێشمه‌رگه‌ى هه‌ولێر ده‌كه‌م ، كه پێمى ڕاگه‌یاندووه له‌پاش بڕیارى وازهێنانت له‌یاری كردن ڵه‌گه‌ڵ یانه‌كه‌مان له‌یانه ده‌مێنیه‌وه له‌پۆست و خزمه‌تێكى دیكه له‌یانه به‌رده‌وام ده‌بم
ئه‌نجامدانى دیمانه : شوان عه‌زیز
کۆمێنت (0)
تا ئێستا هیچ کۆمێنتێک نەکراوە.