به‌پێی روونكردنه‌وه‌یه‌ك كه له‌لایه‌ن سه‌رۆكایه‌تى فه‌ره‌نساوه بڵاوكراوه‌ته‌وه، ئیمانوێل ماكرۆن سه‌رۆكى فه‌ره‌نسا له په‌یوه‌ندییه‌كى ته‌له‌فونێدا له‌گه‌ڵ ره‌جه‌ب ته‌یب ئه‌ردۆغان بارودۆخى سوریا و بڕیارى نه‌ته‌وه یه‌كگرتووه‌كان بۆ ئاگربه‌ست تاوتوێ كردووه.
ماكرۆن به ئه‌ردۆغانى وتووه كه بڕیاره‌كه‌ى نه‌ته‌وه یه‌كگرتووه‌كان بۆ ئاگربه‌ست له سوریا هه‌موو ناوچه‌كان ده‌گرێته‌وه هه‌روه‌ك عه‌فرینیش، هه‌روه‌ها وتویه‌تی ده‌بێت پابه‌ندى ئاگربه‌سته‌كه ببن و رێز له بڕیاره‌كه بگرن.
هه‌ر به به‌گوێره‌ى لێدوانى سه‌رۆكایه‌تى فه‌ره‌نسا بۆ ئاژانسى سپوتنیكى روسیا، ماكرۆن له درێژه‌ى قسه‌كانى جه‌ختى له‌وه كردۆته‌وه، ئاگربه‌سته‌كه به‌بێ دواخستن كاریگه‌رى له‌سه‌ر هه‌ر شوێنێك و له‌لایه‌ن هه‌موو لایه‌كه‌وه ده‌بێت .
ئه‌نجوومه‌نى ئاسایشى نه‌ته‌وه یه‌كگرتووه‌كان ڕۆژى یه‌كشه‌ممه 25ـی شوباتى 2018 به‌مه‌به‌ستى گه‌یاندنى هاوكارى مرۆیی بۆ زیانلێكه‌وتوانى بۆمبارانه‌كانى سوریا، بڕیارى ئاگربه‌ستى بۆ ماوه‌ى 30 ڕۆژ ڕاگه‌یاند.
وه‌رگێڕان و ئاماده‌كردن / سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.