نووری مالیکی داوا ده‌كات بەپەلە هەولێر و بەغدا دەست بە دیالۆگ بکەن و بەکارهێنانی هێز بۆ چارەسەری کێشەکان لەگەڵ هەرێمی کوردستان رەتدەکاتەوە.
لە هەڤپەیڤینێکدا لەگەڵ رۆژنامەیەکی میسری، نووری مالیکی، جێگری سەرۆک کۆماری عێراق راگەیاند " داوا لە حکومەتی ئیتیحادی و هەرێمی کوردستان دەکەم دەستپێشخەری بکەن و پەلەبکەن لە ئەنجامدانی کۆبوونەوە و دیالۆگی جیدیی لە چوارچێوەی دەستوور، بەمەستی کۆتاییهێنان بەو قەیرانەی نێوانیان".
مالیکی ئاماژەی بە پەیوەندی و هاوکاریکردنی هەرێمی کوردستان دەکات لەکاتی هاتنی داعش و دەڵێت "لەگەڵ فراوانبوونی ئەو هێرشانەی، کە رووبەڕووی وڵات بوونەوە، بەڵام کاتێک رێکخرای داعشی تیرۆریست هەڕەشەی چوونە هەولێری کرد لە ناوەڕاستی ساڵی 2014دا، هاوکاری و پاڵپشتی سەربازی و فڕۆکەی سەربازییمان رەوانەکرد".
لەبارەی ئەگەری هاوپمانێتی دەوڵەتی یاسا لەگەڵ کورد و سوننە لەدوای هەڵبژاردن، مالیکی دەڵێت "دەوڵەتی یاسا پەیوەندییەکی باشی لەگەڵ زۆربەی لایەنەکان هەیە. ستراتیژمان لە ئەنجامدانی هاوپەیمانێتییەکان هاوڕێک بوونە لەگەڵ ئەو پڕۆژەی کە دەستمانپێکردووە بۆ پێکهێنانی گەورەترین کوتلە و زۆرینەی سیاسی، پێش هەڵبژاردن هاوپەیمانیمان لەگەڵ فراکسیۆنە نیشتمانییە جۆراوجۆرەکانی تەونی نیشتمانی هەیە و دوای هەڵبژاردنیش ئەو هاوپەیمانێتییە فراوانتر دەکەین".
کۆمێنت (0)
تا ئێستا هیچ کۆمێنتێک نەکراوە.