شه‌ڕڤانان هه‌لیكۆپته‌رێكی سوپای توركیا ده‌خه‌نه خواره‌وه‌و گرته‌یه‌كی ڤیدیۆی كرده‌وه‌كه‌ش له ده‌زگا راگه‌یاندنه‌كانه‌وه بڵاو ده‌كه‌نه‌وه.
له شه‌ڕ و پێكدادانه‌كانی دوێنێ شه‌ممه 10-2-2018 له هه‌رێمی عه‌فرین، له نێوان شه‌رڤانان و سوپای توركیا هه‌لیكۆپته‌رێكی سوپای توركیا له‌لایه‌ن شه‌رڤانانه‌وه خراوه‌نه‌ته خواره‌وه و 11 سه‌ربازی سوپای توركیاش كوژراون.
دوای كه‌وتنه خواره‌وه‌ی هه‌لیكۆپته‌ره‌كه‌ی سوپای توركیا ره‌جه‌ب ته‌ییب ئه‌ردۆغان، سه‌رۆك كۆماری توركیا رایگه‌یاند: كه‌مێك به‌ر له ئێستا هه‌لیكۆپته‌رێكی سه‌ر به سوپای توركیا له عه‌فرین خرایه خواره‌وه. ئیدی ئه‌مه جه‌نگه، زیانمان ده‌بێت و شه‌هیدیشمان ده‌بێت و كاردانه‌وه‌شمان ده‌بێت.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.