بانكی نێوده‌وڵه‌تی سه‌ر به ڕێكخراوی نه‌ته‌وه یه‌كگرتووه‌كان بودجه‌یه‌كی تایبه‌ت ته‌رخان ده‌كات به مه‌به‌ستی چاككردنه‌وه‌ی سه‌رجه‌م ئه‌و زیانانه‌ی كه به‌ر به‌نداوی ده‌ربه‌ندیخان كه‌وتوون .
ڕه‌حمان خانی ، به‌ڕێوه‌به‌ری به‌نداوی ده‌ربه‌ندیخان به ده‌نگی ئه‌مه‌ریكای ڕاگه‌یاندووه: تیمێكی بانكی نێوده‌وڵه‌تی سه‌ردانی به‌نداوی ده‌ربه‌ندیخانیان كردوه و به مه‌به‌ستی ئاگاداربون له قه‌باره‌ی زیانه‌كانی به‌نداوه‌كه، بڕیاره بودجه‌یه‌كی تایبه‌ت ته‌رخان بكه‌ن به مه‌به‌ستی چاككردنه‌وه‌ی زیانه‌كانی.
هه‌روه‌ها گوتیشی: جگه له‌وه‌ی تا ئێستا حكومه‌تی هه‌رێمی كوردستان بڕی یه‌ك ملیار دیناری ته‌رخان كردووه بۆ به‌نداوه‌كه و حكومه‌تی عێراقیش بڕیاری داوه پاره بۆ تیمێكی پشكنینی بیانی ته‌رخان بكات بۆ زانینی قه‌باره‌ی زیانه‌كه، به‌ڵام تا ئێستا ده‌ستبه‌كار نه‌بوون.
له ڕۆژی 12/11/2017 بومه‌له‌رزه‌یه‌ك به گوڕی 7.3 به پله‌ی رێخته‌ر ناوچه سنورییه‌كانی نیوان هه‌رێمی كوردستان و ئێرانی هه‌ژاند، كه له‌و بومه‌له‌رزه‌یه‌دا به‌نداوی ده‌ربه‌ندیخان زیانی به‌ركه‌وت.
کۆمێنت (0)
تا ئێستا هیچ کۆمێنتێک نەکراوە.