له خولی باسكه‌ی تیپه پیشه‌گه‌ره‌كانی ئه‌مه‌ریكای ناسراو به ئێن بی ئه‌ی، تیپی سان ئه‌نتۆنیۆ سپێرز سێیه‌م سه‌ركه‌وتنی له‌سه‌ریه‌كی تۆماركردو به نه‌وه‌دوسێ خاڵ به‌رامبه‌ر به نه‌وه‌دویه‌ك خاڵ له تیپی پۆرتلاند ترایه‌ل پلێزه‌رزی میوانداری برده‌وه.
له یاریه‌كه‌دا یاریزان لاماركۆس ئه‌لدریدیچ ئاستێكی به‌رزی پێشكه‌شكردو بیستودوو خاڵی بۆ سان ئه‌نتۆنیۆ سپێرز به‌ده‌ستهێنا، پاول گاسۆلی هاوكاره‌كه‌شی بیست خاڵی دیكه‌ی بۆ هه‌مان تیپ تۆماركرد.
هه‌ر له یاریه‌كه‌دا، هه‌ردوو یاریزان كاوی لیۆناردو تۆنی باركه‌ر به‌هۆی پێكان له ڕیزی سان ئه‌نتۆنیۆ دابڕان.
له‌و لاشه‌وه یاریزان دیماریا لیارد حه‌ڤده خاڵی بۆ پۆرتلاند تۆماركردو تیپه‌كه‌شی به جیاوازی ته‌نها دوو خاڵ یاریه‌كه‌ی دۆڕاندو له پێنجه‌م یاری له‌سه‌ریه‌كی ئه‌م وه‌رزه‌ی ئێن بی ئه‌ی له‌سه‌ر خاكی خۆی شكستی هێنا .
کۆمێنت (0)
تا ئێستا هیچ کۆمێنتێک نەکراوە.