ئه‌ڵمانیا ده‌یه‌وێت یارمه‌تی ئه‌و كۆچبه‌رانه بدات كه مافی په‌نابه‌رێتیان بۆ ده‌رنه‌چووه و به حه‌زی خۆیان ده‌یانه‌وێت بگه‌ڕێنه‌وه بۆ وڵاتانی خۆیان، بڕی پاره‌كه‌ش (3) هه‌زار یۆرۆیه.
به‌گوێره‌ی هه‌واڵێكی ده‌نگی ئه‌مریكا، وه‌زاره‌تی ناوخۆی ئه‌ڵمانیا ئه‌و كه‌سانه‌ی ئاگاداركردۆته‌وه كه داوای مافی په‌نابه‌رییان كردوه و ده‌یانه‌وێت بگه‌ڕێنه‌وه وڵاته‌كانیان، ده‌توانن تا رۆژی 28ی 2ی 2018 داواكانیان پێشكه‌ش بكه‌ن و هه‌ر كاتێك بگه‌ڕێنه‌وه بۆ وڵاتی خۆیان پاره‌كه وه‌رده‌گرن.
ئاماژه به‌وه‌كراوه، ئه‌و كۆچه‌رانه‌ی مافی په‌نابه‌رێتیان بۆ ده‌رنه‌چووه، پێشتر بۆ ماوه‌ی ساڵێك به‌پێی پرۆگرامی جیاواز بڕی (هه‌زار و 200) یۆرۆ بۆ پێگه‌یشتوان ته‌رخانكراوه و (600) یۆرۆ بۆ منداڵان، ئێستا ده‌توانن بۆ هه‌ردوو پرۆگرامه‌كه داوا پێشكه‌ش بكه‌ن.
هاوكات رۆژنامه‌ی (بیڵد ئه‌م سۆنتاگ)ی ئه‌ڵمانیا بڵاویكردۆته‌وه، (هه‌شت هه‌زار و 639) كۆچه‌ر له‌نێوان مانگه‌كانی (2 تا 10)ی رابردوو به‌شدارییان له پرۆگرامی گه‌ڕانه‌وه‌كه كردووه، هه‌رچه‌نده به‌هۆی هۆكاری مرۆییه‌وه ناتوانرێت بیان نێرنه‌وه.
کۆمێنت (0)
تا ئێستا هیچ کۆمێنتێک نەکراوە.