فیلمی پێشمه‌رگه له‌ناو باره‌گای سه‌ره‌كی نه‌ته‌وه یه‌كگرتووه‌كان له نیویۆرك، نمایشكرا.
بیرنارد هێنری لێڤی ، ده‌رهێنه‌ر و بیرمه‌ندی ناسراوی فه‌ڕه‌نسی له هه‌ژماری تایبه‌تی خۆی له تۆری كۆمه‌ڵایه‌تی تویته‌ر نوسیوویه‌تی: فیلمی پێشمه‌رگه له نه‌ته‌وه یه‌كگرتووه‌كان نمایشكرا.
هه‌روه‌ها ئه‌و ده‌رهێنه‌ر و بیرمه‌نده فه‌ڕه‌نسییه ئاماژه‌ی به‌وه‌شكردووه هه‌موو باڵیۆزه‌كانی سه‌رانسه‌ر جیهان، ئازایه‌تی و دڵنه‌رمی كوردیان له رێگه‌ی پێشمه‌رگه‌وه بینی.
نمایشكردنی فیلمی پێشمه‌رگه له‌لایه‌ن هه‌ر دوو نێرده‌ی فه‌ڕه‌نسا و بریتانیا له نه‌ته‌وه یه‌كگرتووه‌كان رێكخرابوو.
فیلمه‌كه‌ی هێنری لێڤی ماوه‌ی 92 خوله‌كه و باسی ئه‌و شه‌ڕ و به‌ره‌نگاربوونه‌وانه‌ی هێزی پێشمه‌رگه‌ی كوردستان له جه‌نگی داعش ده‌كات.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.