ئەمڕۆ كۆریای باكوور مووشەكێكی بالیستی كێشوەربڕی تاقیكردەوە كە توانای هەیە بگاتە ئەمریكا ، كە ناوی نا مووشەكی بەهێز .
بەپێی كەناڵی فەرمی تەلەڤزیۆنی ئەو وڵاتە ، بیونگ یانگ جەختی كردەوە كە هەلًَدانی ئەم مووشەكە ئامانجی مێژوویی خۆی پێكا بەوەی توانای هەیە ببێتە وڵاتێكی خاوەن چەكی ئەتۆمی .
روونیشیكردەوە كە ئەو بەرنامە مووشەكییەی هەڕەشە نییە بۆ سەر هیچ وڵاتێك چونكە سەروەری وڵاتەكەی پێشێل نەكراوە ، ئەو مووشەكە بۆ ماوەی 53 خولەك لە ئاسمان مایەوە و دواتر كەوتە ناو شوێنی مەبەست لە ناو ئاوەوە .
بەپێی سەرچاوەكە مووشەكە بەهێزەكەی كۆریای باكوور بۆ دووری 950 كیلۆمەتر و بەرز بوونەوەی 4475 كیلۆمەتر بوو و ماوەی 53 خولەكی خایاند .
لای خۆیەوە ئەنتۆنی گویتریتس سكرتێری گشتی نەتەوە یەكگرتوەكان ، ئەو تاقیكردنەوە مووشەكیەی كۆریای باكوور ئیدانە كرد و رایگەیاند كە ئەمە پێشێلێكی روونی بڕیارەكانی ئەنجومەنی ئاسایشی نێودەولەتییە . سەرۆكی ئەمریكا دۆناڵد ترەمپ لای خۆیەوە هۆشداریدا و گوتی (( گرنگی بەو بابەتە دەدەین )).
پەنتاگۆن لای خۆیەوە رایگەیاند كە ئەو مووشەكە هیچ مەترسیەكی بۆ سەر ئەمریكا و وڵاتە هاوپەیمانانەكانی نییە .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.