ئێواره‌ی دوێنێ یاریزانێكی پێشووی تۆپی پێی یانه‌ی بروسك و شاری هه‌ولێر به هۆی جه‌ڵته‌ی مێشكه‌وه كۆچی دواییكرد.
یاریزان سامی كه‌مال دوێنێ له‌گه‌ڵ چه‌ند یاریزانێكی هاوڕێی خۆی یاریی تۆپی پێی كردووه، به‌ڵام بۆ ماوه‌یه‌كی كه‌م یاریكردووه، دواتر چووه‌ته ده‌ره‌وه و خه‌ریكی جل گۆڕین بووه له نێو ئۆتۆمبێله‌كه‌یدا، به‌ڵام له‌وكاته‌دا جه‌ڵته لێی داوه و هه‌ر له‌وێشدا گیانی له‌ده‌ستداوه.
یاریزان سامی كه‌مال له دایكبووی 1979ی هه‌ولێره و یاریزانی پێشووی هێڵی ناوه‌ڕاستی یانه‌ی بروسك بوو، له ساڵی 1999 په‌یوه‌ندی به یانه‌ی بروسك كردووه‌و یه‌كێك بووه له یاریزانه هه‌ره‌باش و سه‌ره‌كییه‌كانی یانه‌كه و له‌گه‌ڵ ئه‌و یانه‌یه دوو وه‌رز له‌سه‌ریه‌ك بوونه‌ته پاڵه‌وانی خولی كوردستان .
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.