له‌وه‌ته‌ى پرسى ریفراندۆمى سه‌ربه‌خۆیى كوردستان بۆته بابه‌تى له پێشینه‌ى هه‌مووتاكێكى كورد له جیهان ،رۆژبه رۆژ گروپى نه‌خێر له ئێستادا ده‌كه‌وێته به‌ر گومان و ره‌خنه گرتن ، جیاله خه‌ڵكى كوردستان و كوردانى دیكه‌ى پارچه‌كان كوردستان و نیشته‌جێى وڵاتانى ده‌ره‌وه كاره‌مه‌ندو راگه‌یاندكارانى كۆمپانیاى نالیاو كه‌ناڵى (NRT )كه شاسوارعه‌بدوالواحد خاوه‌ندارییه‌تى ده‌كات، به‌هۆیى هه‌ڵوێسته‌كانى شاسوار و گرووپه‌كه‌ى ده‌ست له‌كارده‌كێشنه‌وه
دواى ئه‌وه‌ى له هه‌فته‌ى رابردوو پێشكه‌ش كارى دیارى كه‌ناڵى( NRT) (دیارى ئه‌نوه‌ر) له پۆستێكى فیسبوكى خۆیدا رایگه‌یاندبوو كه ده‌ستى له‌كاركێشایه‌وه ، ئه‌مرۆش راگه‌یاند كارى ئۆفیسى هه‌ولێر (دیدار كۆیى ) له پۆستێكدا ده‌ست له‌كار كێشانه‌وه‌ى خۆیى راگه‌یان .
له لێدوانێكدا بۆ ماڵپه‌ڕى كوردستان تیڤى دیداركۆیى ده‌ڵێت: به‌هۆیى ئاشكرابوونى نیازو نێتى ئه‌و گرووپه، كه رێزنه‌گرتنه له سه‌ره‌وه‌رى خاكى كوردستان و خوێنى شه‌هیدان , بێده‌نگى خۆم شكاند، بۆ له‌مه‌ودوا من چیتر له‌و كه‌ناڵه كارناكه‌م كه رێز له خوێنى شه‌هیدانى كوردستان نه‌گرێت، بێده‌نگ بوونم له ئاست ئه‌و هه‌ڵوێسته‌ى كه دژ به خاك و خه‌ڵكى كوردستانه به خیانه‌تێكى گه‌وره‌ى ده‌زانم ، وه بێكارى و قه‌یرانى دارایى زیاترم پێ قبوڵه له كاركردن له‌و كه‌ناڵه بۆیه لێره‌وه رایده‌گه‌ینم من هیچ په‌یوه‌ندییه‌كم به‌و ه‌ناڵه نه‌ماوه .
جێى ئاماژه‌یه (دیدار كۆیى ) وه‌ك وێنه‌گرى سه‌ره‌كى له ئۆفیسى هه‌ولێرى كه‌ناڵى (NRT ) كارى ده‌كرد ،ئه‌م ئێواره‌یه له پۆستێكى خۆى له فه‌یسبوك ده‌ست له كاركێشانه‌وه‌ى خۆیى راگه‌یاند.
کۆمێنت (0)
تا ئێستا هیچ کۆمێنتێک نەکراوە.